Tuesday 20 December 2016

“ပေါင်မုန့်ဟာ ပေါင်မုန့ပဲ..ပေါင်မုန့်ကိုပေါင်မုန့်ထက်ပိုပြီးမျှော်လင့်လို့မရဘူး...”

   မနက်က စောစောနိုးတယ်..။ စောစောဆိုပေမဲ့ ၈ နာရီထိုးတော့မယ်။ ညက မအိပ်နိုင်တာမို့လို့ ဒီအချိန်နိုးတာစောတယ်လို့တောင်ပြောရမယ်.။ ကော်ဖီလေးသောက်ဦးမှ ဆိုပြီးထဖျော်တော့ မုန့်ပါစားချင်လာရော..။ ဟိုတစ်ရက်က၀ယ်လာတဲ့ပေါင်မုန့်ကို သွားသတိရတော့ ဦးနှောက်က ကြက်ဥလေးကိုပါမျက်စပစ်တယ်..။ ဒါနဲ့လက်က ဆီပုလင်းနဲ့အိုးကိုပါ လှမ်းမိရော..။ ခဏကြာတော့ ပေါင်မုန့်ကြက်ဥကြော်နဲ့ကော်ဖီပန်းကန်ကိုင်ပြီး အခန်းထဲဝင်ထိုင်ပြီး လုပ်စရာမရှိတော့ လည်း online ၀င်ပြီး အလုပ်လေးဘာလေး ထပ်လျှောက်ပါဦးမယ်လေဆိုပြီး ကွန်ပြူတာရှေ့ထိုင်မိတယ်..။ အမှန်က ကွန်ပြူတာကို စားပွဲပေါ်ကနေ ကုတင်ပေါ်ယူပြီး အစားလေးတစ်ဖက်နဲ့ နှပ်တာပါ..။ ဒီလိုနဲ့ပဲ..အလုပ်လျှောက်မယ်ဆိုတဲ့လက်က jobsdb ဆီမသွားပဲ ပေါင်မုန့်ကြက်ဥကြော်ဆီလှမ်းတယ်..။ ကော်ဖီကတော့ တစ်ဝက်ကျိုးပြီးသွားပြီ။ အဲဒီမှာ ဇာတ်လမ်းကစတာပဲ..။ ကြက်ဥကြော်နေကျ လက်က ပေါင်မုန့်ကြက်ဥကြော်တော့ မေ့ပြီး အချိုမှုန့်ခတ်မိတာနဲ့ အရသာက အတော်လေးစွမ်းနေလေရဲ့..။ အင်း....ဆိုပြီး မျိုချမိတော့ ကိတ်မုန့်မွှေးမွှေးလေးက အာရုံမှာရလာတယ်..။ နောက်မှ နောက်မှ ဆိုပြီး စိတ်ကို အတင်းဖျောင်းဖျပြီးစားမိတယ်..။ နှမြောတာကိုး..။ သြော်..ပေါင်မုန့်ဟာ ပေါင်မုန့်ပဲလေဆိုပြီး ..တောင်တောင်အီအီတွေ တွေးမိပါလေရော..။ အဲလို...ရောက်တက်ရာရာတွေဖြစ်ဖြစ်နေတတ်တာ တယ် ခက်တာကလား..။
   တစ်ခါက မိတ်ဆွေတစ်ယောက်ကပြောဖူးတယ်..။
   “လူတွေဆိုတာက determine လုပ်ခံထားရပြီးသားဟ..နင်ဘယ်လောက်ပဲကြိုးစားလည်း အကန့်သတ်ဘောင်ထဲမှာပဲ ရှိမယ်..”
အဟား..အဲဒီတုန်းကတော့ ဘယ်ရမလဲ..ကျွန်မက သူ့ကိုလောင်ပြုံးလေးနဲ့ပြန်ကြည့်ပြီ..ပြန်ပြောခဲ့တာပေါ့..။
“ ဘောင်ထဲမှာဆိုပြီးမကြိုးစားခဲ့ရင်..မကြိုးစားပဲနေရင်..ငါတို့ဘ၀တွေ ဘယ်လာတိုးတက်ပါတော့မလဲ..အဲဒီတော့ ငါ..ဘယ်လိုဘောင်ထဲမှာပဲဖြစ်ဖြစ်..ဘယ်လောက်ကျဉ်းမြောင်းတဲ့ အကန့်အသတ်ထဲမှာပဲဖြစ်ဖြစ် ငါရအောင်ကြိုးစားမှာပဲ..”

အခုတော့..။ အင်း..အခုတော့ .ပေါ့လေ..။ ကျွန်မက စင်္ကာပူကို အလုပ်ရှာမယ်ဆိုပြီး ထွက်လာတာ ၁လကို ရက်ပိုင်းကျော်ပြီ။ အလုပ်ကတော့ရပါရဲ့ ..pass မှာ အဖုအထစ်လေးနဲ့..။ ဒါနဲ့ပဲ အခုအထိအိမ်မှာ အားအားယားယားကြီးကိုဖြစ်လို့..။ ဒါနဲ့ပဲ စိတ်ကူးပေါက်ပြီး..gtalk ရဲ့ custom message မှာ ဒီလိုရေးလိုက်တယ်....။

   “ ပေါင်မုန့်ဟာ ပေါင်မုန့်ပဲ...ပေါင်မုန့်ကို ပေါင်မုန့်ထက်ပိုပြီး မျှော်လင့်လို့မရဘူး..”

ကျွန်မ အလုပ်ဆက်လျှောက်ပါတယ်..။ အမှန်က ဟိုလုပ်ဒီလုပ် တောင်ကြည့်မြောက်ကြည့် သတင်းပလင်းလေး ဖတ်တာပါ...။ ဒိလိုနဲ့ အချိန်အတော်လေးကြာသွားတယ်..။ ၁၁ နာ၇ီလောက်ရောက်တော့ gtalk box လေးတက်လာတယ်..ကျွန်မက အဲ့လိုပဲ မသုံးပဲ ပစ်ထားနေကြကိုး..။
“ ဟလို..ပေါင်မုန့်..”
ကျွန်မလည်း ပြန်ပြီး ဟလို လုပ်လိုက်တယ်...သိတယ်မလား..ကျွန်မက အားအားယားယားဖြစ်နေတာဆိုတော့..သူငယ်ချင်းတွေနဲ့ သိပ်ကိုစကားပြောချင်နေတာ..။ အဲ့ဒီသူငယ်ချင်းနဲ့ ငယ်ငယ်တုန်းက အကြောင်းတွေပြောဖြစ်ကြပါတယ်..။

နောက် နေ့လည်လည်းရောက်ရော..


“ ယိုသုတ်လို့ ရပါသေးတယ် ဟဲ့..”
အင်း..လုပ်ပြန်ပြီ..။

ဟုတ်ပါတယ်..ဟုတ်ပါတယ်..ပေါ့..။

နောက်တစ်ယောက်ကလည်း..
“ ယိုသုတ်လို့ ရပါသေးတယ် အစ်မရဲ့..ကျွန်တော်ဆို ပေါင်မုန့်ကို ,ယိုသုတ်ပြီး မယိုးနိစ်နဲ့စားရတာသိပ်ကြိုက်တာ...”
အော်..ခက်ပြီ..ဝေးသွားပြီ..ကျွန်မဆိုလိုချင်တာက တစ်မျိုး..
အဲဒါနဲ့ အားအားယားယား လျှာရှည်ချင်မိတော့ ရှင်းပြမိတယ်..ကိုယ့်သေတွင်းကိုယ်တူးတယ်ပြောရမလားမသိဘူး..
သူကပြန်ပြောတယ်..
“ဟာ..ဘာမှစိတ်ဓာတ်မကျနဲ့အစ်မ..ဘ၀ကိုအရိုးသားဆုံးရင်ဆိုင်ရင် ပေါင်မုန့်ဟာဖြူစင်တဲ့အတွက်ကြောင့် ပေါင်မုန့်ခြောက်ဖြစ်ရင်တောင် အသုံးဝင်သေးတယ်..”

အင်းလေ..ဟုတ်ပေသားပဲလို့..တွေးပြီး မျက်လုံးတောင်ပေကလပ်ပေကလပ်ဖြစ်သွားသလားပဲ..။
ဇာတ်လမ်းက ဆုံးပြီထင်နေတာ..မဆုံးသေးဘူး..ကျွန်မကလည်း အဲဒီ message ကြီးကို မဖြုတ်ပဲထားခဲ့မိတယ်..ဘာလို့လည်းမသိဘူး..။ ညအိပ်ခါနီး..ည ၁၂ နာရီကျော်လောက်..ကျွန်မနဲ့ အလုပ်အတူတူ လာရှာတဲ့သူငယ်ချင်း..သူရောက်လာပြီး...
         “ ဟဲ့ နင့်ပေါင်မုန့်ကို ယိုသုတ်ကိုသုတ်ရမယ်..”
         “အွန်..”
ကျွန်မမျက်စိလည်ထွက်သွားတယ်..။
ဟုတ်တယ်လေ..သူကစစချင်းကြီး...
နောက်မှ ကျွန်မသဘောပေါက်သွားတယ်..။ အဟဲ..အင်း....အင်းပေါ့လေ..အဲဒါနဲ့ပဲ...
          “ မဟုတ်ဘူး..ငါပြောချင်တာက ငါတို့ ဘ၀တွေက အကန့်သတ်ခံထားရပြီးသား..ငါတို့မှာ နင်ပြောသလို ယိုသုတ်လို့ရချင်ရမယ်..အဲဒါတောင်မှ ယိုသုတ်ခွင့်ရှိမယ်ဆိုရင်ပေါ့ဟာ..ဒါတောင် ပေါင်မုန့်ယိုသုတ်လောက်ပဲဖြစ်မှာ..ဘယ်တော့မှ ကိတ်မုန့်ဖြစ်လာမှာမဟုတ်ဘူးလေဟာ..”
သူက..
          “ ဟဲ့..ဒီမှာ.. no hope,no life တဲ့..နင်သိလား..ငါတို့ဟာ..တစ်နည်းနည်းနဲ့ပေါင်မုန့်ကို ယိုသုတ်ကိုသုတ်ပေးရမယ်ဟဲ့”

အဲဒါနဲ့ပဲ..ကျွန်မက..သူ့ကို တာရာမင်းဝေရဲ့ လမင်းကင်ဆာ ဆိုတဲ့ ၀တ္ထုထဲက ..
လူဆိုတာ မျှော်လင့်ထားရင်မျှော်လင့်ထားသလောက်ခံစားရတယ်ဟ လို့ ခပ်တည်တည်ကြီး ပြန်ထည့်လိုက်တာပေါ့.။ဒါပေမဲ့သူပြောတဲ့ ယိုသုတ်တဲ့ကိစ္စကို တွေးမိရင်း ရယ်ချင်သွားတယ်..မျက်စိထဲမှာ hot dog ကြီးက ကန့်လန့်ကြီး ၀င်လာတာကိုး..။
“အင်းဟုတ်တယ်... ယိုသုတ်လို့တော့ ရတာပေါ့..ဒါပေမဲ့ ၀က်အူချောင်းကြီးတော့လာမညှပ်နဲ့ဟာ...ပေါင်မုန့်နာမည်ပျက်တယ်...”
သူစိတ်လေသွားတယ်ထင်ပါ့..ရယ်ပြီးဘာမှ ဆက်မပြောတော့ဘူး..။ အော်..ပေါင်မုန့်..ပေါင်မုန့် ..အချိုမှုန့်ခတ်မိတာက စတဲ့ဇာတ် ..အိပ်ခါနီးတောင် မရပ်ဘူး..။ သူငယ်ချင်းတွေကလည်း စိတ်ပူပြီး..အားပေးလိုက်ကြတာများ..ကိုယ့်အတွေးလေးတောင်ပျက်တယ်...ဟုတ်တော့လည်းဟုတ်ပါရဲ့ သူတို့ပြောတာတွေက..။ ဒါပေမဲ့နော်...

“ပေါင်မုန့်ကို ယိုသုတ်လို့ရရင်ရမယ်...၀က်အူချောင်းတော့လာမညှပ်နဲ့..ပေါင်မုန့်နာမည်ပျက်တယ်..”






စိမ်းမြလင်းသစ်


5.11.2010

7:28 pm

ငါကိုယ်တိုင်ရေးတဲ့ငါပျော့ညံ့ကြောင်း...

 ငါကဗျာတစ်ပုဒ်ရေးချင်တယ်...
ငါကိုယ်တိုင်ရေးတဲ့ငါပျော့ညံ့ကြောင်း...
ဘယ်လောက်ပျော့ညံ့လိုက်သလဲဆိုရင်..
ဟောဒီကဗျာထဲမှာတောင် ငါညံ့ကြောင်းမရေးရဲတဲ့အထိ..။
နောက်ရှိပါသေးရဲ့ငါ့ရဲ့ညံ့တဲ့အကြောင်းတွေ...
အရှိန်ပြင်းပြင်းထွက်ပြေးသွားတဲ့နင့်ချစ်ခြင်းမေတ္တာနောက်
ငါ က ဒရွတ်တိုက်လိုက်ပါမိတဲ့အခါ..
ကွဲကြေကျိုးပျက်..
နင်တစ်ပွင့်စီသီကုံးပေးခဲ့တဲ့ငါ့အမှတ်တရတွေထဲမှာမှ
အလွမ်းက အလည်လာတယ်...
ဘယ်တော့မှမပြန်တော့ဘူးတဲ့..
အဲဒါနဲ့ပဲငါလေ..နင့်ကို လွမ်းကြောင်းအတွေးထဲတောင်မတွေးရဲတော့တဲ့အထိ..။
တကယ်ပါ..
အဲဒီ ..နင်တစ်ပွင့်စီသီပေးခဲ့တဲ့ ငါ့အမှတ်တရတွေထဲ..နင်နောက်ဆုံးသီပေးခဲ့တဲ့ အမုန်းပွင့်လေးဟာ
အလွမ်းတွေကို ဆက်ပွင့်နေကြောင်းတောင်...နင့်ကိုငါ မပြောရဲခဲ့တဲ့အထိ...။
အဲဒါနဲ့ပဲ..ငါပျော့ညံ့ကြောင်းရေးရင်းငါ...ငါ့ကဗျာတောင်အဆုံးမသတ်နိုင်တော့တဲ့အထိ..။

seinn mya mya kyaing
1:20 am,25.10.2010

တောင်းပန်ပါတယ်..

 အခါတစ်ပါး..အခြား..အခြားသောအတိတ်များဆီက ငါမှားသောစကားများ..သူ့နားဝယ်ခါးအံ့...။
ငါ နှလုံးသားနူးညွတ်..နောင်တတို့စွတ်စို..။
ငါ၏အတိတ်..ငါ၏အရိပ်တို့ ငါကြည့်တိုင်း ငါ့နှလုံးသားဝယ် သူ့အရိပ်ထင်၏...။
သူကား ကြိုးစား...ငါ့အားမမေ့နိုင်ငြားအံ့... ငါ့အပြစ်ကိုခွင့်လွှတ်ပါလေ...။
ထိုထိုအတိတ်...ငါ့အရိပ်ဝယ်...ငါ့ကိုတငိးသောကြိုးများလျော့စေသတည်း...။

ငါ၏ထိုစကား..ထိုလူ..ထိုလူ..ငါ့ဆိုင်သူ..သူ...ကြားစေသတည်း...။

အလွမ်းများ

မနေ့ကအထိလတ်ဆတ်နေခဲ့သောလေက ငါ့ကိုဖြတ်တိုက်သွားခဲ့တယ်။ သက်ပြင်းကိုမှုတ်ထုတ်မိရင်း စိတ်ကိုတဖန်ပြန်တင်းဖို့အတွက် အသက်ပြင်းပြင်းတစ်ချက်ရှိုက်ရပြန်တယ်...ဟက်ခနဲငါ့ကိုယ်ငါရီမိတော့ ပါးပြင်ပေါ်ကနွေးခနဲခံစားချက်ကိုရတယ်။ သက်ပြင်းမှုတ်ထုတ်မိတဲ့ငါက စိတ်ကိုပြန်တင်းဖို့အတွက် အသက်ကိုပြင်းပြင်းရှိုက်ရပြန်တယ်..။ ဟုတ်တယ်...ငါက ငါ့စိတ်ကို လေးကြိုးလိုတင်းတယ်...တင်းလွန်းရင်ပြတ်တတ်တာကြိုးပဲ.။ ငါ့စိတ်နဲ့ငါမှုန်မှိုင်းတော့လည်း မြင်နေရတာက တစ်လောကလုံး မီးခိုးရောင်...ဟုတ်တယ်...နင်လည်းမီးခိုးရောင် ..ငါလည်းမိးခိုးရောင်..မြက်ခင်းတွေလည်းမီးခိုးရောင်..အားလုံးမီးခိုးရောင်ဟာ..နင်မသိလည်းဒါတွေက သိပ်ကိုအရေးမပါတဲ့ကိစ္စတွေပဲမဟုတ်လား..။ ငါအန်ချလိုက်ချင်တယ်...ဗိုက်ထဲမှာနေရတာမကောင်ဘူး..အသက်ရှူလိုက်တဲ့လေတွေသိပ်ကိုမလတ်ဆတ်တော့ဘူး..ငါအန်ချလိုက်တော့မယ်..ငါမှားမှန်းသိသိကြီးနဲ့ကိုဒိလမ်းကိုလျှောက်နေမိတာ..UTurn ကိုတွေ့နိုးနိုးနဲ့တော့မဟုတ်ဘူး..ငါက သိသိကြီးနဲ့ကိုမိုက်မဲနေမိတာပဲ..နင့်အတွက်တော့ဒါတွေက သိပ်ကိုအရေးမပါတဲ့ကိစ္စတွေဖြစ်ကောင်းဖြစ်မယ်..မဟုတ်ဘူး..ဖြစ်ကိုဖြစ်မယ်.။ ငါသက်ပြင်းကိုအကြိမ်များစွာချခဲ့ပြီးမှန်း အခုတစ်ခေါက်သက်ပြင်းချလိုက်တော့ ငါ့ကိုယ်ငါသတိရလိုက်တယ်..။ သက်ပြင်းချလိုက်လည်း အပူတွေကုန်မသွားဘူးပဲ..ငါရေသောက်မယ်..ရေသောက်မှဖြစ်မယ်..အန်ချလိုက်ချင်တယ်..ဗိုက်ထဲမှာမကောင်းဘူး...ဖျားနာနေတယ်..အခုကုတင်ပေါ်မှာ..ခွေခွေလေး..နင်ဂရုမစိုက်လည်း ငါသိပ်ဂရုမစိုက်ပါဘူး..။ငါခေါင်းကိုခါရမ်းမိတော့ ငါ့ခေါင်းတွေမူးလိုက်တာဟာ..ငါတကယ်ကိုဖျားနေပြိ..အိပ်လို့မရမယ့်အတူတူတော့ ငါ့အတွေးတွေ လွှင့်ပစ်မယ်..ရောက်ချင်တဲ့နေရာရောက်ပစေဟာ...အိမ်ကိုလွမ်းတယ်..အဝေးမှာရောက်နေတဲ့ငါက..သိပ်ကိုဖျားနာနေတဲ့ငါက...တစ်ကိုယ်လုံးဖျားနာနေတဲ့ငါက သဘာဝကျကျကြီးကို လွမ်းပစ်လိုက်တယ်..ငါ့အိမ်ကိုလွမ်းနေတယ်ဟာ..နင့်ကိုလည်းလွမ်းတယ်...နင့်နင့်သည်းသည်းကိုလွမ်းတာပဲ..အလွမ်းဆိုတာကလည်း သိပ်ကိုသောက်ရေးမပါတာမဟုတ်လား..အဟားးးးးး....ငါ့ကိုယ်ငါဟားတိုက်ရယ်လိုက်ချင်တော့တာပဲ..ငါကခေါင်းကိုဆတ်ခနဲခါရမ်းမိတော့ ပါးပြင်ကနွေးခနဲ ခံစားချက်ကိုရပြန်တယ်...ခေါင်းမူးတယ်...သိပ်ကိုမူးတယ်..ဟုတ်တယ်..။ငါဖျားနာနေတာပဲ...ငါသိပ်ကိုဖျားနာနေတာပဲ..နင့်လက်ကနေလွတ်ကျသွားကတည်းက ငါဖျားခဲ့တာဖြစ်မှာ...နင်မသိလည်း ငါ ဂရုမစိုက်တော့ပါဘူး..ငါ့ဟာငါဖျားနာနေရတာတောင်မအားဘူး...ငါ့အတွေးတွေကငါ့ကို လောင်ကျွမ်းနေတယ်...တစ်ဖျက်ဖျက်နဲ့ကိုလောင်ကျွမ်းနေတယ်...အပိုင်းပိုင်းအစစဖြစ်အောင်ကိုလောင်ကျွမ်းနေတယ်..။ ငါနင့်ထက်ငါ့စောင်အစုတ်လေးကိုလွမ်းသင့်တယ်လို့တွေးမိတော့ ငယ်ကတည်းကခြုံခဲ့တဲ့ငါ့စောင်အစုတ်လေးကိုအားနာမိတယ်.. ငါ့စောင်အစုတ်လေးလောက်တောင် နင်ငါ့ကိုအနွေးဓာတ်ပေးခဲ့လို့လား..နင့်ရင်ခွင်ကငါ့အတွက်တော့ ၀င်ရိုးစွန်းပဲ...နင်မလာရဲခဲ့ဘူးမဟုတ်လား.. နင် တကယ့်ကိုမလာရဲခဲ့ဘူးမဟုတ်လား...ဟက်ခနဲရီမိပြန်တယ်..။ ငါရီမိတိုင်း ငါ့ပါးတွေ နွေးခနဲပဲ..ရွှဲနစ်နေတယ်..ဟုတ်တယ်..ငါ့ရင်တွေပူတယ်..ဖျားနာနေတယ်..ငါတကယ်ကိုဖျားနာနေတယ်.. ငါ့သက်ပြင်းတွေထဲမှာ ရင်ထဲက အပူတွေမပါသွားဘူး..ရေသောက်မှဖြစ်မယ်...ငါရေသောက်မှဖြစ်မယ်..ရေကလည်း အပူတွေကိုမျှောမချနိုင်ပြန်ဘူး...။
မိုးစက်တွေတပေါက်ပေါက်ကျသံကိုကြားရတော့ ငါ့အတွေးတွေကနေ အထီးကျန်မှုတွေကနေ ငါဖျက်ခနဲခုန်ထွက်မိတယ်..။ အကြိမ်ပေါင်းများစွာ သက်ပြင်းချခဲ့ပြီးကြောင်း ငါ ဒီတစ်ကြိမ် သက်ပြင်းချမိတော့ ငါကိုယ်ငါ သတိထားမိပြန်တယ်.. ငါအတွေးနဲ့ငါမူးတယ်..ရူးသွားရင်ကောင်းမှာပဲလို့တွေးမိတော့ ..ကြည်အေးရဲ့ အရူးကိုသွားသတိရတယ်...ငါက ရူးဖို့တောင် သတ္တိမရှိဘူး..ဟုတ်တယ်..နင်ထင်ခဲ့သလို ငါ သတ္တိမရှိခဲ့ဘူး..ငါက ရူးဖို့တောင် သတ္တိမရှိဘူး..။ နင်သိလည်း ငါအခု###ဂရုမစိုက်တော့ပါဘူး..း ငါက နင်လွှတ်ချခဲ့ပြီးသား တစ်ရှူးစတစ်ခုပဲ.။ သုံးပြီးသားဆိုတော့လည်းနွမ်းဖတ်လို့ပဲ..အခုတောင် ငါဖျားနေတယ်..နွမ်းနွမ်းဖတ်ဖတ်ကိုပဲဖျားနာနေရတယ်..။ မ်ိုးတွေပိုစိပ်လာပြီ..ငါပြတင်းပေါက်ကိုဖွင့်ထားမှဖြစ်မယ်...မိုးစက်တွေကငါ့ကိုအေးစေနိုင်မလားပဲ...အခုတော့ရင်တွေပူနေတယ်..င့ါရင်တွေပူနေတယ်..သိပ်ကိုဖျားနာနေတဲ့ငါက ရေသောက်မှဖြစ်မယ်..ရေသောက်မှဖြစ်မယ်...ငါကရေဘူးကိုဖွင့်တယ်...ပြတင်းပေါက်ကိုဖွင့်တယ်..နင်သိလည်းငါ ဂရုမစိုက်တော့ပါဘူး..ငါက နင့်ကိုလွမ်းတဲ့စိတိကိုပါဖွင့်လိုက်တယ်...။ ။

Seinn Mya Mya
Sunday 19 Dec 2010
Am 2:46

သတိရခြင်းမိုးရေစက်များ

ဒီနေ့စနေနေ့ဖြစ်သည်။ အခန်းထဲတွင်ငြီးငွေ့ခြင်းများသည်..အထီးကျန်စွာ အေးခဲတိတ်ဆိတ်လျက်ရှိသည်။ တလှိုက်လှိုက်တက်လာသော သတိရခြင်းများဟာ မိုးအဖြစ်ရွာချပြီးသွားကြသလား...။ သတိရခြင်းမိုးရေစက်များသည် အိမ်ပြတင်းတံစက်မြိတ်တွင် တွဲလွဲခိုလျက်ရှိနေကြသည်။ အဓိက က ယုံကြည်ချက်နဲ့ နှလုံးသားကိုသစ္စာမဖောက်ဖို့ပါပဲ..နှင်းရယ်..ဟု သူပြောခဲ့သောစကားများသည် နှလုံးသားဆီမှအဖန်ဖန်အထပ်ထပ်အော်မြည်လျက်ရှိပြီး အရေပြားပေါ်တွင် သွားလာလျက်ရှိနေကြသည်..။ နှင်းဟာ နှလုံးသားကိုသစ္စာဖောက်မိသလားလို့ ကိုယ့်ကိုယ်ကို ပြန်မေးလျက်ရှိနေပြီလား..။ အခန်းထဲတွင် မရေရာခြင်းများ စိမ့်ပျံ့ ထိုင်းမှိုင်းလာသည်။ နှင်းသည် အသက်ကို ခပ်ပြင်းပြင်းရှူရှိုက်ဖို့ကြိုးစားလိုက်မိသည်..။ နှင်း၏အခန်းလေး..၊ ပတ်ဝန်းကျင်..၊ အလုပ်...၊ အရာရာသည် နှင်းကို သေးငယ်အောင်လုပ်ပေးနေကြသလိုဖြစ်နေသည်။ နှင်းကြိုးစားရင်း..ပျော်အောင်နေရင်း..အရာရာကိုရင်ဆိုင်ရင်း.. နှလုံးသားကိုမေ့ထားခဲ့တာဟာ နှင်းသစ္စာဖောက်မိတာဖြစ်နေနိုင်သလား..။ နှင်းဟာ နှလုံးသားကိုသစ္စာဖောက်မိတာလား..။ မသေချာပါ..။ နလုံးသားကိုမေ့ထားခဲ့တာလား..။ နှင်းသည် ယောင်ယမ်းကာ ခေါင်းကိုတွင်တွင်ခါမိပြန်သည်..။  ဒါဟာ သစ္စာဖောက်ခြင်းဟု သူက စွဲချက်တင်လျှင်တော့ နှင်းဟာ လုံလောက်တဲ့အကြောင်းပြချက်တွေနဲ့ ခိုင်ခိုင်မာမာငြင်းဆိုရမှာပါပဲ။ နှင်းနှလုံးသားကို နှင်းဘယ်တုန်းကမှ သစ္စာမဖောက်နိုင်ခဲ့တာ နှင်းကိုယ်တိုင်အသိဆုံးပဲဖြစ်သည်။


နှင်းသည် ပြတင်းတံခါးမှတဆင့် အမှတ်တမဲ့ဖြစ်သောစိတ်တို့ဖြင့် တွေဝေစွာငေးမောလျက်ရှိသည်..။ ပိတောက်ပင်ကြီးသည် မိုးရေစက်တို့ဖြင့်စိုရွှဲလျက်ရှိပြီး ငိုကြွေးနေသယောင်ဖြင့် မှိုင်းမှိုင်းအုံ့အုံ့ဖြစ်ကာ နှင်းကိုပြန်လည်ငေးမောကြည့်နေသယောင်ပဲ။ ရုတ်တရက် ဟက်ခနဲရယ်မိတော့ ပါးပြင်ပေါ်ကို မျက်ရည်တွေ နွေးထွေးစွာကျဆင်းလာတာ ခံစားလိုက်ရသည်။ နှင်းဟာ ဆယ်ကျော်သက်ကလေးမှ မဟုတ်တော့တာပဲ။ မိဘနဲ့ခွဲခွာပြီး တစ်မြို့တစ်ရွာမှာဝမ်းစာရှာနေရပြီပဲ။ ဒါတောင်နှင်းပျော့ညံ့နေတုန်းပဲ..။ ခံစားချက်ကိုအသက်အရွယ်နဲ့ထိန်းချုပ်လို့မရသေးသ၍တော့ နှင်းကိုယ်နှင်းရင့်ကျက်ပြိဟု မထင်သေးပါ ..။ နှင်းစိတ်ထိခိုက်တာမြင်ရင် သူစိတ်မကောင်းဖြစ်မှာသေချာသည်..။ တောင်းပန်ပါတယ်နှင်းရယ် လို့များထပ်ပြောဦးမလား ..။ အရင်တုန်းကလိုပဲ အားနာမှုတွေပြည့်နှက်နေတဲ့ သူ့မျက်ဝန်းတွေနဲ့ နှင်းကို နာကျင်စွာ ငေးစိုက်ကြည့်နေဦးမှာလား။ အဲဒီ့အခါမှာ နှင်းကတော့ အရင်ကလိုပဲ ကိုယ်နာကျင်မှာထက် သူနာကျင်ခံစားရမှာစိုးစွာ ဟန်ဆောင်ပစ်မိမှာ သေချာသည်။ သေချာတာတစ်ခုကတော့ နှင်းသည် သူ့ကိုထက် နှင်း၏ပျော့ညံ့ခြင်းများအတွက် ကိုယ့်ကိုယ်ကို အပြစ်တင်မိတုန်းပဲဖြစ်သည်။

နှင်းလက်ကိုမပြောမဆိုနှင့် သူ စတွဲခေါ်စဉ်က နည်းပညာပြပွဲတစ်ခုတွင်ဖြစ်သည်..။ 'လာလေ..နှင်း..ငေးမနေနဲ့..လူတိုးသွားရင်မလွယ်ဘူး..' ပြောပြောဆိုဆို နှင်းကိုဆွဲခေါ်သွားတော့ နှင်းသည် ထူပူစွာ အသိမဲ့စွာဖြင့် သူဆွဲခေါ်ရာနောက်ကိုလိုက်မိရင်း.. နွေးထွေးလုံခြုံသောစိတ်ခံစားချက်သည် သူ့လက်မှတစ်ဆင့်နှင်းကိုယ်ခန္ဓာထဲတွင်နွေးထွေးလျက်ရှိခဲ့သည်။ 'နှင်းကိုယ့်နောက်ကို ဒီလိုပဲလိုက်ခဲ့ပါလားနှင်းရယ်..' လို့ နူးညံ့စွာပြောတော့ နှင်းဟာ သူ့မျက်ဝန်းတွေအောက်မှာ အရည်ပျော်သွားရတာပဲ..။ နှင်းဟာ အဲ့လောက်ထိအောင် ကိုတုံးခဲ့တာ။ ယုံကြည်ခဲ့တာ ။ နောက်ပြီးနှင်းသည် ကိုယ့်ကိုယ်ကို..ကိုယ့်ရဲ့ပျော့ညံ့မှုကိုသာ အပြစ်တင်ခဲ့ပါသည်။ ထိုစဉ်ကတော့ နှင်းသည် သူ့ရဲ့ နူးညံ့သောမျက်ဝန်းများအောက်မှာ လုံခြုံနွေးထွေးခဲ့ရလေသည်။ သူ နှင်းကိုဘယ်တော့မှသစ္စာမဖောက်ဘူးဟု ယုံကြည်ရင်း နှင်း၏ဘ၀..တွင် သူ့အတွက်ပါအိပ်မက်မက်ခဲ့ရသည်။ အခုခေတ်လူငယ်တွေက နှလုံးသားကို ကစားစရာတစ်ခုလိုပဲသဘောထားတော့တာနှင်းရဲ့.. ကိုယ်ကတော့ အမြတ်တနိုးကိုတန်ဖိုးထားချင်တာ..လို့ သူပြောတော့ နှင်းက သူ့ကို အားကိုးယုံကြည်ခြင်းတွေနဲ့ကြည့်ခဲ့မိမှာ သေချာပါသည်။ နှင်းကတော့ နှင်းကိုရယ်ရွယ်ပြီးပြောတာလို့အထင်ကောင်းဆဲ သူ့မျက်ဝန်းတွေရီဝေနေတာကို နှင်းကြောင့်ဟု မိုက်မိုက်မဲမဲ ယုံကြည်ခဲ့မိသည်..။ နှင်းသူ့ကို အဲ့ဒီလောက်ထိယုံကြည်ခဲ့ပါသည်။ သူစတင်တွဲသောလက်တွင် နှင်းခိုင်မြဲချင်ခဲ့မိပါသည်...။

ကိုယ်ကျင့်တရားကိုသိပ်ကိုအလေးထားတတ်လွန်းသောသူသည် သိပ်ကိုတွေဝေလွန်းသောသူတစ်ယောက်လည်းဖြစ်မှန်း စတင်သိလိုက်မိစဉ်ကတော့နှင်းသိပ်ကိုတုန်လှုပ်မိခဲ့ရသည်..။ အိပ်ပျက်ညများစွာမှာ နစ်မြုပ်ရင်း သူ့ကိုလည်းရှောင်ရင်း အတွေးတွေဖြင့်ပူလောင်နေရစဉ်မှာလည်း သူနောင်တတွေရနေမှာလားဟု သူ့အတွက်ပါပူပန်ခဲ့မိသည်။ သူ့တွင်သူသိပ်ချစ်ခဲ့ရသောချစ်သူရှိသတဲ့..။ သူငယ်ချင်းများက နှင်းအတွက် နာကျင်စာနာသောစကားများဖြင့်လာပြောသည့်တိုင် နှင်းသည် နှင်းကိုယ်နှင်းရှက်ရွံ့ ခြင်းတို့ကြားကပင် သူ့ကိုသနားမိပြန်သည်။ ထိုစဉ်တလောတုန်းက နှင်းကို တစ်ခုခုပြောဖို့ အားယူနေခဲ့မှန်းတော့ သိခဲ့ပါသည်..။ သူ..နှင့် သူသိပ်ချစ်ခဲ့ရပါသည်ဟုဆိုသော သူ့ချစ်သူကြားတွင် နှင်းသည်ဘာဖြစ်နေခဲ့ပါသလဲ..။ သူ့ချစ်သူကသူ့ကိုအဆက်အသွယ်ပြန်လုပ်သောအခါ သူသည် နှင်းကိုကြည့်သောအကြည့်တို့တွင် အားနာခြင်းများရောစွက်နေခဲ့ပါသည်..။ နှင်း၏ရှေ့တွင် တစ်စတစ်စလဲပြိုလာသောသူ့ကိုကြည့်ရင်း နှင်းသည် သူ့အတွက် နှင်း၏နာကျင်စွာသောစိတ်တို့ဖြင့်ပင် သူ၏ နောက်မှာကျန်နေရစ်ခဲ့ဖို့ တိတ်တဆိတ် ကြိုးစားပြင်ဆင်ခဲ့ပါသည်။  နှုတ်ဆက်စကားပြောဖို့ကြိုးစားမိခဲ့ပါသည်..။ နှင်း၏တွေဝေမိသောစိတ်တို့သည် သူ့ကိုနှုတ်ဆက်စကားပြောဖို့ဝန်လေးမိပြန်သည်။ နှင်းနှလုံးသားကိုသစ္စာဖောက်ပစ်ရင်း သူ့နှလုံးသားအတွက်ဟုတင်းမိသောစိတ်တို့တွင် ပျော်ဝင်အောင်ကြိုးစားခဲ့ရသည်။ ဒီလိုနဲ့ပဲနှင်းဟာ ကိုယ့်တစ်ယောက်တည်းတွေဝေရင်း သူနှုတ်မဆက်ပဲ တစ်စတစ်စဖြင့်နှင်းအနားကထွက်ခွာသွားတာတောင်သတိမထားမိတော့လောက်အောင်ပါပဲ..။ သူထားသွားတာသိလိုက်တော့လည်းနှင်းဟာ အိပ်မက်ဆိုးတစ်ခုမက်သလိုခြောက်ချားတတ်ခဲ့ပြန်သည်။ နှင်းဟာသူ့ကိုကြိုးစားမေ့ပစ်ရင်းသူ့ကိုသတိတွေရနေပြန်သည်။ သူပေးခဲ့ဖူးသောလက်ဆောင်ပစ္စည်းလေးများကိုသိပ်ခုန်မင်ခဲ့လွန်းသောနှင်းသည် သတိရတိုင်း သူပေးခဲ့ဖူးသော ဖန်ဘောလုံးလေးကို တယုတယကိုင်တွယ်မိနေဆဲ.. ခုချိန်ဆိုသူဟာ ပျော်နေမှာထက်နှင်းအတွက်နောင်တရနေလိမ့်မယ်လို့နာကျင်စွာတွေးမိခဲ့သည်။ နှင်းဟာ အရူးပဲ ။ သိပ်ကိုချစ်တတ်ခဲ့ခြင်းဟာရူးတာပဲ။ သူ့ကိုသိပ်ကိုနားလည်လွန်းနေခဲ့တာ ရူးတာပဲ..။ သူ့ကြောင့်နှင်းဟာ နာကျင်စွာနဲ့ပျော့ညံ့စွာကျန်နေခဲ့မယ်လုိ့သူတွေးမိနေခဲ့မယ်မှန်းနှင်းသိခဲ့သားပဲ။ သူ့တွေဝေမှုတွေမှာ နှင်းကို ထပ်မတွယ်ငြိစေချင်ခဲ့ပါ..။ သူ့အပေါ်တင်းစေမယ့် နှောင်ကြိုးတွေကို နှင်းကြိုတင်လျော့ခဲ့ပါသည်။ နှင်းသည် ကိုယ့်အပေါ်ကိုယ်မိုက်မဲစွာဖြင့်သူ့ကို နာနာကျည်းကျည်းဟန်ပန်များဖြင့် မလိုအပ်တော့စွာ လမ်းခွဲစကားတွေပြောဖြစ်ခဲ့ပါသည်..။


ထိုနေ့က မိုးရွာသည်။ မိုးစက်တွေကို နှင်းရဲ့မျက်ရည်တွေလို့မြင်ခဲ့မိတာမှတ်မိနေသည်။ သူက အားနာမှုများစွာဖြင့်နှင်းကိုဆွံ့အစွာကြည့်နေသည်။ သူက ပေးသည့်အပြစ်ကိုခံတော့မည့်သူတစ်ယောက်လို ငြိမ်သက်လျက်သား သူ့မျက်ဝန်းတွေနာနာကျင်ကျင်ဖြင့် နှင်းကိုငေးစိုက်ကြည့်နေကြောင်း နှင်းမျက်ရည်ဝဲလျက်သားကြားက သိလိုက်တာမှတ်မိသည်။ နှင်းမျက်ရည်မကျအောင်ထိန်းနိုင်ခဲ့တာမှတ်မိသည်။ အိမ်ပြန်ရောက်တော့နှင်းရှိုက်ကြိးတငင်ငိုဖြစ်ခဲ့တာမှတ်မိသည်။ ' ယုံကြည်လေးစားမှုကိုအရင်းတည်ခဲ့တဲ့ချစ်ခြင်းမေတ္တာပါ ကိုကို.. အခုချိန်မှာ နှင်း ကိုကို့ကို မလေးစားနိုင်တော့ဘူး..ဒါဟာချစ်ခြင်းမေတ္တာပျောက်ဆုံးသွားခြင်းပဲ..။ နှင်းရှေ့ကနေထွက်သွားပေးပါကိုကို..' နှင်းရှေ့က လေးပင်သောခြေလှမ်းများဖြင့် သူထွက်မသွားခင်..နှင်းရယ်..ဟု ခပ်တိုးတိုး နာနာကျင်ကျင်ရေရွတ်သွားသံကို ကြားဖြစ်အောင်ကြားလိုက်မိသေးသည်။ နှင်းသည် သူထွက်ခွာသွားသည်ကို အစအဆုံးငေးကြည့်ရင်း သူချန်ရစ်ခဲ့သည့်အတိုင်း နေနိုင်ခဲ့ပါသည်။ တစ်စချင်းပဲ့ကြွေကျနေခဲ့သော နှင်း၏နှလုံးသားသည် သူ့ကိုပျော်ရွှင်စေဖို့သက်သက်ဖြစ်ကြောင်းနှင်းကိုယ်နှင်းသေချာခဲ့ပါသည်။ နှင်းမာန အတွက်ကတော့ နှင်းဟာ သူ့ကြောင့်ဘာမှမခံစားခဲ့ရသလိုဟန်ဆောင်ပီပြင်ခဲ့ပါသည်။ နှင်းကြောင့်သူနောင်တမရစေချင်ခဲ့ပါ။ ပတ်ဝန်းကျင်တွင် နှင်းသည် သူ့ကြောင့်ဘာမှထိခိုက်မခံစားရမှန်းထင်ရလောက်အောင် နေပြနိုင်ခဲ့သည်။  နှင်းသူ့ကိုဒီလောက်ထိချစ်ခဲ့မှန်းနာနာကျင်ကျင်သိခဲ့ရပါသည်။

သူ့ကိုနှင်းမေ့ပစ်ဖို့နေ့တိုင်းကြိုးစားရင်းပင် နေ့တိုင်းနာကျင်စွာ သတိရတတ်ခဲ့သည်။ နှင်းသွားနေကျနေရာတိုင်းဟာ သူ့အရိပ်တွေနှင့်မကင်းဘူးဟု သတိထားမိတော့ အတိတ်၏အရိပ်တို့ဟာ နှင်းကိုခြောက်ချားအောင်လုပ်ကြပြန်သည်။ သူထားသွားခဲ့ခြင်းဟာ နှင်းအနားမှာ တစ်ယောက်မှမကျန်တော့သလိုပဲ..။ နှင်းဟာ အမြဲအထီးကျန်နေတော့မယ့်လူတစ်ယောက်လိုပဲ..။ ထိုအချိန်တိုင်းတွင် နှင်းသူ့ကို သိပ်ကိုတမ်းတခဲ့ပါသည်။ နှင်းဟာထူမတ်ဖို့ကြိုးစားခဲ့ရတာတော်တော်ခက်ခဲသည်။ သူ့ကိုမေ့ပစ်ဖို့အသည်းအသန်ကြိုးစားတဲ့ခဲ့ချိန်မှာမှ သူနှင့်သူ့ချစ်သူကို အမှတ်တမဲ့မြင်ဖြစ်အောင်မြင်မိသော နှင်း၏ကံကြမ္မာကို ထပ်ခါထပ်ခါကြိမ်ဆဲရင်း နှင်းဟာ ကာလကြာရှည်စွာဖြင့် နှင်း နှလုံးသားအပေါ်အထပ်ထပ်အခါခါ ကျဆုံးမိခဲ့ရင်း ကံကိုပဲ ကျိန်ဆဲမိခဲ့ပြန်သည်..။ နှင်း၏မကောင်းသောကံသည် သူ၏ကံကောင်းခြင်းဖြစ်ပါစေဟု မိုက်မိုက်မဲမဲဆုတောင်းဖြစ်ခဲ့တာ သူ သိရင်နှင်းအတွက်နာကျင်နေဦးမှာလား..။ သိပ်ကိုရူးတဲ့ကောင်မလေးပဲလို့ ဟက်ခနဲ လှောင်ရယ်ရယ်မှာလား နှင်းဟာ တစ်ကယ့်ကို မဝေခွဲတတ်ခဲ့နိုင်ပါ..။ နှင်းဟာအရူးတစ်ယောက်လိုပဲ..၊ တကယ့်ကိုအရူးတစ်ယောက်လိုပဲ..။ ဒီလိုနဲ့နှင်းသည် သူ့ပတ်ဝန်းကျင်တို့မှဝေးရာတွင်နေရင်း သူထားခဲ့သည့်အတိုင်း...တကယ့်ကို သူချန်ထားခဲ့သည့်အတိုင်းနေခဲ့ပါသည်..။


ကံကြမ္မာကိုနှင်းမယုံခဲ့သည်မှာကြာပြီ..။ ကောင်းမြတ်ခြင်းတွေလုပ်နေပေမယ့် ကံဆိုးမှုတွေက ရောက်ချင်ရောက်လာတာ..။ ကာလကြာမြင့်စွာ တစ်ယောက်တည်းဖြတ်သန်းခဲ့ပြီးချိန်မှာတော့ နှင်းနှလုံးသာအနည်ထိုင်သွားပြီဟု ထင်မိဆဲမှာ...သူ့အကြောင်းကြားရသည်..။ သူဟာ...သူ့ကောင်းမြတ်သောလုပ်ရပ်များကြောင့် သူ့ဆန္ဒမပါဘဲ သူအဝေးမှာတစ်ယောက်တည်းရောက်နေရတယ်တဲ့..။ ထိုသတင်းသည် နှင်းကိုနာကျင်စေပြန်သည်။ နှင်းသူ့အတွက်ဘာလုပ်ပေးနိုင်သလဲစဥ်းစားရင်း တစ်ယောက်တည်းဝမ်းနည်းနေမိတာ ဘယ်သူမှမသိခဲ့..။ သူ၏ချစ်သူသည် သူ့အားအစွမ်းကုန်အားပေးနေမှာဟုတွေးရင်း... နှင်းမှာအခွင့်မရှိတော့ဘူး..ဆုံးရှုံးပြီးသားဟုစဉ်းစားရင်းနှင်းသည် အသည်းအသန်မေ့ပစ်ခဲ့ရပြန်သည်။


နှင်းကလည်း ဘ၀အတွက်ကြိုးစားရုန်းကန်နေဆဲမှာ သူ့ကိုသတိရနေမိခဲ့သည်..။ နှင်းအခုရောက်နေသောနေရာဟာ အရင်သူခြေချခဲ့ဖူးသောနေရာများဖြစ်နေမလားလို့ အခါခါတွေးမိသည်..။ တိုက်ဆိုင်စွာ သူ..နှင်းကိုသတိရနေတယ်တဲ့..။ သူငယ်ချင်း၏ပြောစကားအပေါ် နှင်းမယုံနိုင်ပါ..နှင်းအပေါ်သူ၏ သတိရခြင်းသည် သူ၏နာင်တရခြင်းသက်သက်ဖြစ်ပါစေ။ နှင်းသည် သူ့အကြောင်းစဉ်းစားမိတိုင်း သူနှင့်အတူတွဲမြင်နေမိသောသူ့ချစ်သူကိုအားနာမိပြန်သည်။ နှင်းသူ့အပေါ်တင်းမိသောနှောင်ကြိုးသည် သူ၏နောင်တရခြင်းသက်သက်သာဖြစ်ပါစေ..။ ထိုနောင်တတရားတို့ကိုနှင်းဖြေလျော့ပေးချင်မိပြန်ပါသည်။ အထီးကျန်နေမည်ဖြစ်သောသူ့အား  နှင်းကြောင့်ထပ်မံ မကြေကွဲစေချင်ပါ..။  နှင်းဒီလောက်ထိ စဉ်းစားမိပြန်သည်။ နှင်းဟာ သူ့ဆီကိုစာရေးမိပြန်သည်..။  သူ၏ချစ်သူအကြောင်းကို မစဉ်းစားနိုင်ပဲ.. ဘာလို့ပြတ်စဲဖြစ်သွားတာလဲဟု မမေးဖြစ်တော့နိုင်အောင်ကိုပဲ နှင်းဟာ ၀ဋ္ဋ်ကြီးသူတစ်ယောက်ဖြစ်ပါသည်။ သို့သော်နှင်းသည်..သူတို့ပြတ်စဲတာစောင့်ဆိုင်းနေသောယုတ်ညံ့သောမိန်းမ မဟုတ်ကြောင်းကိုတော့ နှင်းအသိဆုံးဖြစ်ပါသည်။ နှင်းမာနက ဒီမှာစတင်သည်။ နှင်းသည် သူစတင်လက်တွဲတော့လည်းသူ့လက်မှာယုံကြည်စွာတွဲခိုခဲ့ပါသည်။ သူချန်ခဲ့တော့လည်း နာကျင်စွာနေတတ်ခဲ့ပါသည်။ သူ့နာကျင်စေမည်စိုး၍ သူ့တို့ရှေ့တွင် အရိပ်သော်မျှမထင်အောင် နေတတ်ခဲ့ပါသည်။ သို့သော်... နှင်းသည် ပြန်တွဲလာသောသူ့လက်ကိုမှီတွယ်ဖို့တော့သိပ်ကိုခက်ခဲလွန်းပါသည်။


အဓိက က ယုံကြည်ချက်နဲ့ နှလုံးသားကိုသစ္စာမဖောက်ဖို့ပါပဲ..နှင်းရယ်  ဟူသောသူ့စာသားသည် နှင်း၏မျက်လုံးထဲမှာမထွက်။ သူ့စာကိုဖတ်ရင်း နှင်းသည် သိပ်ကိုကြေကွဲနေမိပြန်ပြီ..။ ခံနိုင်ရည်ရှိခဲ့ပြီဟု ကိုယ့်ကိုယ်ကို ထင်ခဲ့သည်မှာ မှားသွားပြီ..။ သူ့အတွက် နှင်းနှလုံးသားဟာ တစ်စစ်နာကျင်နေဆဲ..။ သူ့ကို မျှော်လင့်ခြင်းတွေ ထပ်ပေးချင်မိသည်..။ ဒီအခြေအနေသည် နှင်းမမျှော်လင့်ခဲ့သောအခြေအနေတစ်ခုဖြစ်သည်..။ မဖြစ်စေချင်ခဲ့သောအနေအထားတစ်ခုဖြစ်သည်..။ သူ့ကို ဒီလိုအဝေးမှာ မပို့ထားစေချင်ပါ..။ နှင်းဘာမှလုပ်မပေးနိုင်ဘူးဟု တွေးမိသောစိတ်တို့တွင် သူ့ကိုအမြဲအားပေးနေနိုင်သားပဲဟု တင်းကြည့်မိရင်းပင် စိတ်ကိုဖြေသိမ့်ပစ်ရသည်။ ထိုအချိန်တွင် သူ့အတွက်တစ်ခုတည်းကြောင့်ပင် နှင်း၏မာနတရားတို့ဟာ ဘာမှမဟုတ်ခဲ့တော့သလို..။ နှင်းဟာ ဒီလောက်ထိကိုမိုက်မဲမိနေဆဲ..။


ဒီနေ့သည် စနေနေ့ဖြစ်သည်။ အခန်းထဲတွင် သတိရခြင်းများသည် အထီးကျန်ခြင်းတို့ဖြင့်ဖွဲ့သီလျက် အုံ့မှိုင်းငြိမ်သက်လွန်းလှသည်။ သတိရခြင်းမိုးရေစက်များသည် ပြတင်းတံခါးတွင်တွဲလွဲခိုလျက်ရှိပြီး နှင်းသည် ပြတင်းအပြင်ကိုငေးကြည့်လျက်ရှိနေမိသည်။ နှင်း၏စာသည် သူ့အလိုဆန္ဒမပါဘဲအဝေးသို့တွန်းပို့ခံထားရသောသူ့ကို အားအင်သစ်တွေဖြစ်စေသည်တဲ့။ နှင်းသည် သစ္စာတရားဆ်ိုသောစကားလုံး၏ညို့ယူခြင်းကိုခံနေရသည်။ ခင်မင်ရင်းနှီးမှု..ယုံကြည်မှု..ချစ်ခြင်းမေတ္တာ.. အရာရာတိုင်းအတွက်  သစ္စာတရားသည် အရေးကြီးလွန်းလှသည်ဟုနှင်းခံယူသည်... သစ္စာတရားကျိုးပျက်လျှင် ချစ်ခြင်းမေတ္တာလည်းကျိုးပျက်စေသည်မဟုတ်လား ။  နှင်းသည် ' သစ္စာတရားကျိုးပျက်ရင် ချစ်ခြင်းမေတ္တာရော နှလုံးသားပါ ပျက်စီးရတာပဲ..ကိုကိုရဲ"့ .. လို့တော့ သူ့ကို အခွင့်ရလျှင်ပြောလိုက်ချင်ပါသေးသည်..။    ။


စိမ်းမြလင်းသစ်

26.06.2011
AM 3.22

အိမ်ပြန်ချင်တယ်မေမေ

ဟလို..မေမေ
ရန်ကုန်မှာ မိုးတွေရွာတုန်းပဲလား..
ဒီမှာတော့နှလုံးသားတွေဟာ မနွေးထွေးဘူး..
အရာရာဟာ အေးခဲနေတော့တာပါပဲမေမေရယ်..
ဘယ်လိုဖြစ်တယ်ရယ်မသိဘူး
အခုတလော ဘာလုပ်လုပ်ကိုစိတ်မပါတာ
အရာရာကိုအားတင်းဖို့
အရင်တုန်းကလိုစိတ်ကလေး ပြန်ရချင်တာပေါ့မေမေရယ်
လွမ်းတယ်ရယ်လို့တောင်မတွေးရဲတော့ပါဘူး
သမီးစားတဲ့ညစာတွေအေးစက်နေတာကလွဲရင်
အရာရာဟာ ပူလောင်ပါတယ်မေမေ
မေမေမျက်ရည်မကျပါနဲ့
ဒါဟာ ခဏပါ
ဟိုဆရာတစ်ယောက်ပြောသလိုဆို
ခံရလှတစ်ဘ၀ပေါ့မေမေ..။
ဘ၀ဆိုတာလည်း ခဏတာလို့ဆိုရဲ့မဟုတ်လား..
သမီးနေထိုင်ရာအရပ်မှာ
မိသားစုမေတ္တာခမ်းခြောက်တယ်
နေ့စဉ်အသွားအပြန်လမ်းတွေမှာ ခြေလှမ်းတွေလေးပင်ရင်း
ညအိပ်ချိန်လေယာဉ်သံတွေကြားရင်
ရင်တွေပူလာတာပါပဲမေမေရယ်
ရေနဲ့တောင်မျှောချလို့မရဘူး..
သူများတွေနဲ့နှိုင်းစာရင်
သမီးအဖြစ်က ဘာမှတော့မဟုတ်ဘူး
ဘာပဲပြောပြော
အိမ်ပြန်ချင်တယ်မေမေ..။



စိမ်းမြလင်းသစ်

29/6/2011

မျှော်လင့်ခြင်းဆိုတာ အဆိပ်ခတ်ထားတဲ့မနက်စာ

                                   
ဘာမှမတတ်နိုင်တော့ဘူးလို့ ဆုံးဖြတ်မိတဲ့ခဏတိုင်း
မျှော်လင့်ရခြင်းမှာ ပင်ပန်းတယ်...
ဒီနေ့၊ မနက်ဖြန်၊ ပြီးခဲ့ပြီဖြစ်သော မနေ့ကအချိန်များ
ကာလဟာ အလျားလိုက်ရွေ့လျားခြင်းမှာ မျောပါ..
တစ်နေ့နေ့ဆိုတဲ့အတွေးမှာတင် အေးခဲ..
တစ်စက်စက်ကျနေသောမိုးရေ..
တိမ်တိုက်တချို့ဟာ ဒီလိုပဲမျောလွင့်..
အသားကျနေပြီဖြစ်သောအတွေးများ..
ပုံမှန်တိုက်ခတ်နေဆဲလေညင်း..
ဦးတည်လိုက်တိုင်း လွင့်ထွက်သွားတဲ့စိတ်..
အတိတ်
ပစ္စုပ္ပန်.
အနာဂတ်....
တောင်ခြစ်မြောက်ခြစ်စိတ်ကူးများ
 ယဉ်ကျေးမှုမဲ့ကမ္ဘာ..
ဘယ်သူဘာပြောဦးမလဲ..
ဘယ်ဘက်အကျီင်္အိပ်ကပ်ထဲကအလွမ်း
ဝင်သက်ထွက်သက်တိုင်းမီးလင်းတယ်..
ခုတလောထင်သာမြင်သာတဲ့စိတ်
မိနေခဲ့ပြီးဖြစ်သောကျော့ကွင်းမှဆီ
ပျံသန်းသွားခဲ့ပြီဖြစ်သောငှက်ငယ်တွေကို အမှတ်တမဲ့မော့အကြည့်..။


စိမ်းမြလင်းသစ်
26/07/2011

အိမ်ရှေ့သစ်ပင်သစ်ရွက်တွေမှာမိုးစက်တွေခိုနေတုန်းပဲ

အိပ်မက်ဟာချိုမြိန်နေဆဲပဲ ကိုယ့်အတွက်
ပစ္စုပ္ပန်မှာ တည့်တည့်ကြီးနေပစ်လိုက်ဖို့သိပ်ကိုခက်တယ်
သစ်ရွက်ပေါ်တွဲခိုနေတဲ့ မိုးရေစက်လေးလျောကျသွားတယ်
ရုတ်တရက် ငှက်ကလေးထပျံတယ်
ခဏလေးနဲ့နေ၀င်ပြီး ခဏလေးနဲ့ပဲ ကြယ်တွေကြွေတယ်.။
ဒီလိုပဲနဲ့ပဲအနည်ထိုင်ပစ်ရမှာပဲ
တစ်ယောက်တည်းဆိုတဲ့နေရာကိုရောက်သွားတိုင်း အတွေးတွေကိုရပ်လိုက်ရတယ်.။
ပျော်ရွှင်ခြင်းဆိုတာကိုဘယ်လိုစာလုံးပေါင်းရပါ့မလဲ..။
တိတ်တိတ်လေးမြတ်နိုးနေရခြင်းမှာပဲ ငြိမ်းချမ်းစွာသေဆုံးခဲ့ပါပြီ
ရှိုက်ရှိုက်နေခဲ့ရခြင်းခဏများမှာ..တအိအိပြိုဆင်းလို့
တိတ်ဆိတ်ခြင်းတွေဆူညံနေရလို့
ရေခဲတောင်တွေလည်း အေးခဲနေရခြင်းနဲ့ပူလောင်နေရမှာပါပဲ.။
ခုတော့..
ပေါ့ပေါ့ပါးပါးဆိုတဲ့ခေါင်းစဉ်အောက်မှာ
မကျေနပ်တာတွေကိုရယ်မောပစ်လိုက်ရုံ
ကိုယ်ပေါ်ကမိုးရေစက်လေးကိုသပ်ချလိုက်သလို
မလိုချင်တာတွေကို မင်နီတားပစ်လိုက်ဖို့
ကမ်းခြေမှာရပ်နေခဲ့စဉ်ခဏကလို
လေတိုက်တိုင်း ကိုယ့်ဆံပင်တွေလွင့်ဝဲနေဖို့
ကိုယ့်မျက်တောင်မှာ တွဲခိုနေတဲ့ မျက်ရည်စက်လေးကို ဖျတ်ခနဲပုတ်ထုတ်ပစ်ဖို့
မျှော်လင့်နေရခြင်းဟာ မျှော်လင့်ရခြင်းသက်သက်မဖြစ်စေဖို့တွေ မျှော်လင့်ရင်း
စိတ်ဟာ
အလှမွေးကန်ထဲကငါးလို
အခန်းကျဉ်းထဲမှာပဲ တ၀ဲလည်လည်နဲ့...
အဆင်ပြေတယ်ဆိုတဲ့စကားလုံးသက်သက်ထဲမှာပဲ စိတ်ကိုထိုးခြေပစ်နေမိတယ်
အဆင်ပြေတယ်..
အဆင်ပြေပါတယ်...။
ကံကောင်းခြင်းဆိုတာကလည်း အခွံခွာရခက်တဲ့သစ်သီးတစ်လုံးလိုပဲ
တပ်မက်ခြင်းသက်သက်နဲ့သာငေးမောရင်း
ဘ၀ဟာ..အရွယ်မတိုင်ခင် ရင့်မှည့်ပေးလိုက်ရပါတယ်..။



စိမ်းမြလင်းသစ်
01/08/2011

ကိုးများ

ညက အိပ်မက်မက်သည်။ အိပ်မက်မက်သည် ဆိုသော်လည်း သူသည် အိပ်မက်နေသည်ကို အိပ်မက်မက်နေသည်ဖြစ်ကြောင်းသိေ
နပြန်သည်။ ထိုအိပ်မက်သည် သူ့ဆီကိုလာနေကျဖြစ်သည်။ အလျားလိုက်..ဇာတ်လမ်း အစ ၊ အလယ်၊ အဆုံး... ထိုပုံစံအတိုင်းပင် ။ သူသည် အမှန်အတိုင်းဝန်ခံရမည်ဆိုလျှင် ထိုအိပ်မက် သူ့ဆီလာမည်ကို သိပ်ကြောက်သည်။ အိပ်မက်ပြီးဆုံးသွားလျှင် သူ့မှာ ပေါ့ပါးသွားစမြဲ။ အမှန်တကယ်ဆို..သူ..ထိုအိပ်မက်
စမက်သည်မှာ သိပ်မကြာသေး။ သို့သော်လည်း ထိုအိပ်မက်သည် ပထမဆုံး စမက်ခဲ့ပြီးသည့်အချိန်မှစ၍ သူ့ဆီသို့ မကြာခဏရောက်ရောက်လာတတ်သည်။ အထူးသဖြင့် အခုလိုမိုးရွာသောညမျိုးတွေမှာ...။

                                                                            XXXXXX

အိပ်မက်၏ အစ..။
ပထမတွင် မိုးသံတဖြောက်ဖြောက်ကိုစကြားရသည်။ အခန်းသည် စိမ့်လျက်အေးလာနေခဲ့သည်။ သူသည် ဘာကိုမှန်းမသိသောစိုးရွံ့ခြင်းတို့ဖြင့်လွှမ်းခြုံခြင်းခံထားနေရသည်။ သူသည် ကျောရိုးထဲမှ စိမ့်ခနဲနေအောင်အေးလျှက်ရှိပြီး ထိုအခြေအနေထံမှ အလျင်မြန်ဆုံး ရုန်းထွက်နိုင်အောင် အပြင်းအထန်ကြိုးစားလျက်ရှိနေသည်။ သို့သော် သူသည် အေးစက်ထုံထိုင်းမှုများက သူ့အားမလှုပ်မယှက်နိုင်အောင် တုပ်နှောင်ထားလျက်ရှိနေခဲ့ပြီဖြစ်ကြောင်း သိခဲ့ရလေသည်။ သူ့မျက်လုံးသည်ဖွင့်၍မရ။ ခြေထောက်တို့မှာ လှုပ်ရှား၍မရ။ တစ်စုံတစ်ယောက်အား အမြန်ဆုံး အကူညီတောင်းချင်လာသည်။ ကျေးဇူးပြု၍ သူ့ကိုနှိုးကြပါ။ သူ နိုးပါရစေတော့။ သူသည် အိပ်စက်ခြင်းမဟုတ်တော့သော သူ၏ အိပ်စက်ခြင်းထံမှ အလျင်မြန်ဆုံးနိုးထချင်နေပြီ။ သို့သော်လည်း သူ့မှာ လှုပ်ရှားမရ..။ ထိုစဉ်တွင်ပဲ မိုးသည် တဝေါဝေါဖြင့် စတင်ရွာချလိုက်သည်။ ဒီလောက်သည်းထန်နေသော မိုးသံတွေအောက်မှာ သူကြိုးစား၍အော်မည်ဆိုလျှင်လည်း သူ့အော်သံကို မည်သူမျှကြားနိုင်တော့မည်မထင်တော့..။  စောင့်ကြည့်မည်..သူစောင့်ကြည့်မှဖြစ်မည်။ သူသည် ရုတ်တရတ် စိတ်ကူးကိုပြောင်းလိုက်သည်။ ဤအခြေအနေသည် ဘာကြောင့်ပေါ်လာရသလဲ။ ဘာအတွက်လဲ.။ ဘာတွေဖြစ်လာမှာလဲ..။ ကြောက်ရွံ့တုန်လှုပ်မှုများဝန်းရံ
နေသော စူးစမ်းချင်စိတ်တို့ဖြင့် သူသည်  ထိုအေးစက်သောအိပ်မက်ဆီသို့ တရွေ့ရွေ့လှမ်းလိုက်မိပါသည်။
                                        xxxxxxxxxxxxx
 အိပ်မက်..။
သူသည်အိပ်မက်ထဲသို့တစ်လှမ်းချင်း ချဉ်းနင်းဝင်ရောက်လျက်ရှိသည်။ တစ်လှမ်းချင်း..တစ်လှမ်းချင်း..။ အိပ်မက်ထဲတွင် သူမျက်လုံးကိုအသာအယာပဲဖွင့်လိုက်တော့ ခပ်မှောင်မှောင် အခန်းကျဉ်းကျဉ်း တစ်ခုထဲတွင် သူ့ကိုယ်သူပြန်တွေ့လိုက်ရသည်။ ထိုအခန်းကျဉ်းထဲတွင်သူသည် ကြိုးများဖြင့်အလုပ်ရှုပ်နေသောသူ့ကိုပြန်တွေ့လိုက်ရသည်။ သူသည် ကြိုးတွေဖြင့်ရှုပ်ရှက်ခတ်လျက်ရှိနေသော အခန်းရဲ့အလယ်တွင်ရောက်လျက်ရှိနေသည်။ သူသည် သူ့ကိုယ်သူပြန်တွေ့နေရခြင်းဆိုသောချောက်ခြားဖွယ်အတွေးအား အိပ်မက်မက်နေခြင်းဖြစ်သည်ဟူသော အသိဆီတွန်းပို့နေရသည်။ ဒါဟာသူပဲ..။ သူ့ပုံရ်ိပ်စစ်စစ်ပဲ..။ အခန်းထဲမှ ကြိုးများကြားမှာ အံ့သြနေသည့်ဟန်အတိုင်းသားပေါ်လွင်နေသော သူသည် မနက်တိုင်းကြည့်ဖြစ်သော ကြည့်မှန်မှာ ပေါ်နေခဲ့သော သူ့ပုံရိပ်စစ်စစ်ဖြစ်မှန်း သူသေချာသည်.။ ဘာဖြစ်နေတာပါလ်ိမ့်..။  အခန်း..။ ဟုတ်သည်။ သူစတင်သတိထားမိသော ထိုအခန်းသည် ကြိုးမျိုးစုံတို့ဖြင့်ရှု့ပ်ပွလျက်ရှိနေသည်။ အခန်းထဲတွင် ဘာပရိဘောဂမှမရှိ။ ဘာအသုံးအဆောင်ပစ္စည်းမျှမရှိ။ ဘယ်သူတစ်ဦးတစ်ယောက်မှမရှိ။ တိတ်ဆိတ်အေးစက်နေခြင်းတို့ခြုံလွှမ်းလျက် သူနှင့် ကြိုးများသာရှိသည်။ ကြိုးတွေ..။ သူသည် ခပ်တိုးတိုး ရေရွတ်မိသည်။ ဟုတ်ပါရဲ့..။ သိပ်ကိုများပြားလှတဲ့ကြိုးတွေ..။  ကြိုးတွေက ဆိုဒ်စုံ။ ရောင်စုံ ။ တချို့က အခန်းထောင့်မှာ ခွေလျက်သား၊ တချို့က သုံးလက်စဖြစ်မည်ထင်သည်၊ ပုံလျက်သား။ ကြိုးတွေက အရွယ်စုံ၊ အရောင်စုံ၊ ဆိုဒ်စုံ။ တချို့က အရောင်လွင်လွင်၊ တချို့က ခပ်မည်းမည်း ခပ်မွဲမွဲ..။ တချို့က တန်းတွေမှာ။ တချို့ကြိုးတွေက သိပ်ကိုတောက်ပပြီးလှပသည်။ တချို့ကကြောက်စရာပုံစံဖြင့်အခန်းထဲမှာ ပွစာကျဲလျက်.။ သူသည် လေအတိုက်တွင် အခန်းထဲ တွင် တလက်လက်ဖြင့် လွင့်ဝဲသွားလျက်ရှိသော လှပသော ကြိုးများနောက်သို့ပျော်ရွှင်စွာ လိုက်ဖမ်းလျက်ရှိပြီး အိပ်ကပ်ထဲသို့ထည့်လျက်ရှိသည်။ အခန်းထဲတွင်ပျံ့ကျဲနေသော ခပ်မည်းမည်းကြိုးကြီးများကိုကျော်ခွပြီး ၀ဲပျံနေသော အရောင်တလက်လက်ကြိုးတွေနောက်ကို လိုက်ဖမ်းလျက်ရှိနေစဉ်ပင် ထိုထိတ်လန့်ဖွယ်ဖြစ်စဉ် တစ်ချို့ပေါ်ပေါက်လာခြင်းဖြစ်သည်။ ကြိုးတွေစတင်လှုပ်ရှားလာပြီ။ သူလိုက်ဖမ်းလျက်ရှိသော ချစ်စရာ ကြိုးငယ်များသာမက.. အခန်းထဲတွင် ခုနက ငြိမ်သက်လျက်ရှိခဲ့သော ကြိုးများပါ စတင်လှုပ်ရှားလာနေခဲ့သည်။  ကြိုးတွေ သူ့ဆီကို တရွေ့ရွေ့လာနေခဲ့တာပဲ။ သူလိုက်ဖမ်းနေခဲ့သော ကြိုးများသာမကဘဲ သူလန့်နေခဲ့သော ပုံဆိုးဆိုး ကြိုးကြီးများပါ သူ့ဆီကို မြွေများလို တွားသွားပြီးလာလျက်ရှိကြလေသည်.။  သူသည် များပြားလှသော ကြိုးတွေသူ့ကိုစတင်ရစ်ပတ်နေခြင်းကို ကြောက်လန့်တကြားဖြင့် အလူးအလဲကာကွယ်နေရသည်။ သူ့ခြေထောက်တွေကနေတဆင့် တစ်စတစ်စ စတင်ရစ်ပတ်လာ နေခဲ့ပြီဖြစ်သော ကြိုးများကိုကြိုးစားပြီး ရုန်းဖယ်ပစ်နေရသည်။  ပို၍ဆိုးရွားသည်က တန်းတွေပေါ်ကကြိုးတွေကပါ သူ့ကိုယ်ပေါ်ကို ခုန်ချပြီး ရစ်ပတ် လာကြခြင်းဖြစ်သည်။ ဒါဟာ တစ်စုံတစ်ရာရဲ့တွန်းအားတစ်ခုခုပဲဖြစ်ရမည်.။ သူရုန်းလေ..ကြိုးတွေကပိုတုပ်နှောင်လေပဲ..။ သူကြောက်လန့်ခြင်းကြီးစွာဖြင့် ချွေးတွေစိုလာသည်။ ၀ုန်းဒိုင်းကျဲနေသော မိုးသံတွေအောက်တွင် သူ့အသက်ရှူသံသည် အတော်ကြီး ကျယ်လောင်လျက်ရှိနေပြီ..။  လူတစ်ကိုယ်လုံးတုပ်နှောင်မိသွားပြီ..။ ကြိုးတွေကအထပ်ထပ်..။ ထိုစဉ်မှာပဲ အခန်းထောင့်မှာ အိပ်မက်ကိုရပ်စောင့်ကြည့်နေမိသောသူသည် တစ်စုံတရာသောတွန်းအားကြောင့် အခန်းထဲမှ သူနှင့်တသားတည်းဖြစ်သွားသည်။ သူကြောက်လန့်တကြားရုန်းဖယ်လေ. သူ့အား.ကြိုးတွေကတုပ်နှောင်လေလေ..။ မရ..ဘယ်လိုမှမရ..။ သူရုန်းကန်ဖို့အားမရှိတော့စဉ်မှာပဲ ကြိုးများသည် သူ့အား အထပ်ထပ်ရစ်ပတ်ပြီးဖြစ်သွားခြဲ့
ပီဖြစ်သည်..။
                xxxxxxxxxxxxx

ကြိုးများသည် အထပ်ထပ်ရစ်ပတ်တတ်ကြသည်..။

ဟုတ်သည် ကြိုးများသည် အထပ်ထပ်ကိုရစ်ပတ်တတ်ကြသည်။ အချို့ကြိုးများသည် တုန်လှုပ်ဖွယ်ကောင်းစွာပင် ရစ်ပတ်တုပ်နှောင်ယုံတင်အားမရဘဲ သူ့ခန္ဓာကိုယ်ထဲအထိ..ရင်ဘတ်ထဲအထိပါ တွန်းထိုးဝင်ရောက်လျက်ရှိနေကြပြီ။ သူကြောက်လန့်တကြားအော်ဟစ်လိုက်သည်။ သွားပြီ..။ အော်သံတွေထွက်ကျမလာ..။ ကြိုးများသည် အသံတွေကိုပါ တုပ်နှောင်စွမ်းရှိပါသလား။ သူ့အသံသည်ပင်လျှင် ပျောက်ဆုံးလျက်ရှိနှင့်နေပြီ။ ကြိုးတွေ..။ တချို့က သူ့ခန္ဓာကိုယ်ကိုတုပ်နှောင်လျက်၊ တချို့ကြိုးတွေက မမြင်ရဘဲ သူ့ခန္ဓာကိုယ်ထဲကိုပင် ခြောက်ချားဖွယ်ကောင်းစွာ  ၀င်ရောက်တုပ်နှောင်လျက်။  ခုနက သူလိုချင်တပ်မက်စွာ လိုက်ဖမ်းခဲ့သော အရောင်တလွင်လွင်ကြိုးငယ်လေးတွေကလည်း သူ့ရင်ကိုဖောက်ပြီးတိုးဝင်လျက်ရှိနေခဲ့ပြီ။  ဟိုး...ရင်ထဲအထိ၊ သူ့ နှလုံးသားကိုပါတုပ်နှောင်လိုက်လေပြီလား..။ သူရင်ဘတ်တွေအောင့်လာသည်..။ ၀မ်းနည်းနာကျင်ခြင်းသည် သူ့အားဖိစီးလျက်ရှိနေပြီ။ မွန်းကျပ်ခြင်း၊ ကြောက်ရွံ့တုန်လှုပ်ခြင်း..တို့ကပါ သူ့ရင်ကိုဖိစီးလျက်ရှိသည်။ ရွာနေသောမိုးရေစက်သံ၊ မိုးခြိမ်းသံတို့သည် သူ့အား ပိုမိုခြောက်ချားစေလျက်ရှိနေပေပြီ။ တစ်ချက်တစ်ချက်ထပြီးထစ်ချုန်းလိုက်သောမိုးခြိမ်းသံတို့သည် သူ့အားတုပ်နှောင်လျက်ရှိနေသောကြိုးတွေအတွက် အားပေးသံတွေလားဟုပင်တွေးမိပြန်သည်။ သူရုန်းထွက်ပါရစေတော့..။ ကြိုးတွေဖြင့်မွန်းကျပ်လှပြီ..။ သူ့အားနိုးထခွင့်ပေးပါတော့..။ သူမောပန်းလှပြီ.။ သူအလွန်အမင်းတုန်လှုပ်လျက်ရှိနေစဉ်မှာပင် သူ့အားစွမ်းအားပြင်းထန်သောတစ်စုံတရာက အခန်းပြင်ရောက်အောင်တွန်းပို့လျက်ရှိနေပြီ။ ကြိုးတွေတုပ်နှောင်ခံထားရသော သူက လေးလံစွာ၊ ကြောက်လန့်စွာ၊ တုန်လှုပ်စွာဖြင့် တစ်နေရာကို တစ်စုံတစ်ရာရဲ့ခေါ်ဆောင်မှုအောက်မှာ လွန်ဆန်နိုင်စွမ်းကင်းမဲ့စွာ လိုက်ပါနေရသည်။ ဘယ်ဆီကိုလဲမသိ။ သူသိသည်က အမှောင်..။ ဘယ်လိုမှတွန်းထိုးရုန်းကန်လို့မရတော့..။ ခေါ်ဆောင်ရာလိုက်ပါရင်း နောက်ဆုံးရပ်တန့်လိုက်သည့်နေရာက ချောက်ကမ်းပါးအစွန်းတစ်နေရာဖြစ်မှန်းသူသိလိုက်သည်။ ဘာလုပ်ဖို့ပါလိမ့်။ သူပို၍ကြောက်ရွံ့မိနေသည်။ နှလုံးခုန်သံသည် ကျယ်လောင်စွာမြည်ဟီးလို့.။ သူ ချောက်ထဲကို တွန်းချခံရတော့မှာလား..။ သူ့အားနိုးထခွင့်ပေးပါ..။ သူကြိုးစားရုန်းထွက်မှဖြစ်မည်။ သူသည် တုပ်နှောင်ခြင်းခံထားရသော ကြိုးများဆီမှ ရုန်းကြည့်သည်။ ပထမတွင်..ရုန်းမရ။ သူရုန်းသည်။ ရုန်းနေရင်း ခြေမချော်မိအောင်ကြိုးစားနေရသည်။ ဟော...ကြိုးတွေအနည်းငယ်လှုပ်လာပြီ။ သူသည် မိုးရေတွေကြားထဲမှာ ချွေးတွေပျံလာသည်။ သူ့တစ်ကိုယ်လုံးချွေးတွေ၊ မိုးရေတွေဖြင့် ရွှဲစိုနေပြီ (ထင်ရသည်)။ အတန်ကြာသည်အထိ သူရုန်းထွက်ပြီးချိန်မှာတော့.. ကြိုးတွေပြေလျော့စပြုနေပြီဆိုတာသိလာသည်..။ တော်ပါသေးရဲ့..။ သူလွတ်မြောက်နိုင်သေးသည်။ သူသည် အဆုံးစွန်ဆုံးအားထုတ်ကာ ကြိုးတွေကိုဖြည်ကြည့်လိုက်သည်။  ဟော...ရပြီ။ ခုနကသူ့ကို ချည်တုပ်ထားခဲ့သော ကြိုးတွေပြေလျော့ကုန်ပြီ..။ သူ့တစ်ကိုယ်လုံးပေါ့ပါးသွားသလိုပါပဲ။ သူသည် လွတ်လပ်ခြင်းဆိုတာဒါပဲဟုသိလိုက်ပြီ။ လှိုက်ခနဲ ဖြစ်ပေါ်လာသောပျော်ရွှင်မှု အားတက်မှုတို့နှင့်အတူ.. ပြေလျော့ကျလာသောကြိုးတွေအား ချောက်ထဲသို့ လုံးထွေးပြီး နာကျည်းစွာကန်ထုတ်ပစ်လိုက်လေသည်..။ သွားစမ်း..ဒီကြိုးတွေ..။

            xxxxxxxxxxxxx


မမြင်ရသောကြိုးတွေက ပိုမိုတုပ်နှောင်တတ်သည်..။

 ကြိုးတွေမှလွတ်မြောက်ခြင်းသည် သူ့အား ပျော်ရွှင်ခြင်းဆီသို့တွန်းပို့နိုင်ပြီ ဟုထင်လိုက်သည်..။ သူသည် ကြိုးများကို ချောက်ကမ်းပါးထဲသို့ ကန်ထုတ်လိုက်ပြီးသည့်နောက် လွတ်လပ်ခြင်း ကိုခံစားလိုက်ရခြင်းသည် ခဏတာမျှသာဖြစ်ကြောင်း ၀မ်းနည်းကြေကွဲဖွယ်တွေ့လိုက်ရသည် ..။ သူဖြည်လျော့လို့ ရခဲ့သောကြိုးတွေက သူ့ခန္ဓာကိုပြင်ပကိုတုပ်နှောင်ခြင်းခံခဲ့ရသောကြိုးတွေကိုသာဖြစ်မှန်း ရင်ထဲမှ တစစ်စစ်အောင့်တက်လာသောခံစားမှုက သတိပေးသည်။ ဒါဆိုရင်..ခုနက သူ့ရင်ထဲထိအထပ်ထပ်ဝင်ရောက်တိုးဝင်တုပ်နှောင်ခဲ့ပြီးဖြစ်သောအရောင်တလက်လက် ကြိုးငယ်လေးတွေကိုရော..။ သူဘယ်လိုလုပ်ရပါ့မလဲ..။ သူ အပြင်းအထန် တုန်လှုပ်မိပြန်သည်။  သူသတိရမိလိုက်စဉ်ချက်ချင်းမှာကိုပဲ သူ့ရင်ထဲမှ ထို ကြိုးတွေကို သူဆွဲထုတ်ဖို့ကြိုးစားသည်။  မရ..။ ဘယ်လိုမှမရ..။ ကြိုးစားလေ နာကျင်လေ..။  နည်းမျိုးစုံကြိုးစားပြီးသည့်နောက်..သူ ဘာလုပ်ရမလဲ..မသိတတ်တော့..။ သူသည် ချောက်ကမ်းပါးစွန်းတွင်ရပ်နေဆဲ..။ ခုနက လုံးထွေးကန်ထုတ်ပစ်လိုက်သောကြိုးတွေကတော့ ချောက်ထဲမှာ ပြန်ကြည့်လို့ပင်မတွေ့ရတော့..။ သို့သော်.. သူ့ခန္ဓာကိုယ်ထဲကို အထပ်ထပ်ဝင်ရောက်တုပ်နှောင်နေခဲ့ရပြီ ဖြစ်သော မမြင်ရတော့သောကြိုးတွေ.ကို ဘယ်လိုလုပ်ရပါ့မလဲ.။ သူ့ရင်ဘတ်တွေ နာကျင်လျက်ရှိကြောင်း ၀မ်းနည်းနာကျင်ဖွယ် တုန်လှုပ်ဖွယ်ကောင်းစွာ လက်ခံနေရသည်။ သူဘာလုပ်ရမလဲ..။ သူဘာလုပ်ရမလဲမသိတော့..။ ခုတော့ သူသည်.. မမြင်ရတဲ့ကြိုးတွေနဲ့ အထပ်ထပ်နဲ့အတူ အေးစက်တုန်လှုပ်ခြောက်ချားစွာ ၊ ပြင်းထန်သောနာကျင်မှုများစွာနဲ့အတူ သူဟာ ချောက်ကမ်းပါးစွန်းတွင်ရပ်လျက်..။


                                    xxxxxxxxx

 မျက်လုံးစဖွင့်လျှင်ဖွင့်ချင်း မျက်နှာကျက်ဖြူဖြူကိုစတွေ့ရသည်။ အသက်ရှူသံသည် သူ့ဆီမှ ကျယ်လောင်စွာထွက်ပေါ်လျက်ရှိသည်။ သူ့နှလုံးခုန်သံသည် ဆူညံပေါက်ကွဲလျက်ရှိသည်။ သူသည် ကုတင်ပေါ်တွင်ရှိနေဆဲပဲ အိပ်မက်အကြောင်းကို ပြန်တွေးကြည့်နေမိသည်။ မိုးကတော့ရွာလို့ကောင်းနေဆဲ..။ တစ်ချက်တချက် လက်လိုက်သော လျှပ်စီးတို့အမှအပ ပတ်ဝန်းကျင်က အေးဆေးတိတ်ဆိတ် မှောင်မိုက်လျက်ရှိမြဲ..။ သူကတော့ ချွေးတို့ဖြင့်ရွှဲနစ်လျက်ရှိနေပြီး.. ကြေကွဲဝမ်းနည်းဖွယ်ကောင်းစွာပင် သူ့ရင်တွေပြင်းထန်စွာ နာကျင်လျက်ရှိနေကြောင်းကို ရင်ခုန်သံတဒိုင်းဒိုင်းကြားမှ သိနေရသည်။ ရွှဲနစ်နေသော ချွေးတို့ကို သုတ်ပစ်မည်ဟု စဉ်းစားပြီး ကယောင်ကတမ်းဖြင့် လက်ကိုင်ပ၀ါကိုထုတ်ယူလိုက်စဉ်မှာပဲ.. လက်ကိုင်ပ၀ါနှင့်အတူ အကျီင်္အိပ်ကပ်ထဲမှ  ကြိုးတစ်ချောင်းထွက်ကျလာလေသည်..။


စိမ်းမြလင်းသစ်
28/08/2011

ကန္တာရဟာအခန်းထဲမှာရှင်သန်နေထိုင်တယ်

ကော်ဖီခွက်တွေနားမှာ ပျံဝဲခဲ့ဖူးတဲ့ရယ်သံတွေ
ပျော်ရွှင်မှုတွေနဲ့ချည်ပြီး လွှတ်တင်ခဲ့ဖူးတဲ့ မိုးပျံပူပေါင်းတွေ
စာလုံးပေါင်းမတတ်တော့လို့ မရေးဖြစ်တော့တဲ့ ခံစားချက်တွေ
တကယ်တမ်း လှမ်းကြည့်လိုက်တော့လည်း
ကိုယ့်လမ်းခရီးဟာ လှည်းဘီးတွေနောက်က ဖုန်လိပ်တွေလို။
ပိုးမွှားတွေကနေကာကွယ်ဖို့
ပြတင်းပေါက်တွေပိတ်ထားလိုက်
ခန်းဆီးလိုက်ကာတွေချထားလိုက်
(အပျင်းပြေပဲဖြစ်ဖြစ်)
သောက်လက်စကော်ဖီခွက်လေးကိုထပ်ခါထပ်ခါမွှေလိုက်
အဓိပ္ပာယ်မဲ့ငေးမောစရာတွေဟာ အခန်းထဲမှာ။
တစ်ယောက်တည်းလို့ပြောလည်း
ကိုယ့်အတွေးတွေဟာ အခန်းထဲမှာ။
ဒီအတိုင်း  တောင့်ခံမထားနိုင်တော့တဲ့ ကံကြမ္မာ
ခံစားချက်ဆိုတာ နောက်ဆုတ်မရတဲ့ရထား
အနားသတ်မညီတော့တဲ့ လက်ရေးတွေနဲ့ ရေးနေမိတဲ့ ခပ်တွန့်တွန့် ညီမျှခြင်း
အခန်းထောင့်လေးမှာ
ပန်းအိုးငယ်လေးထဲက သစ်ပင်ငယ်လေး
မြတ်နိုးခံရခြင်းသဘောတရားကို နာကျင်စွာစဉ်းစားဆဲ..။


စိမ်းမြလင်းသစ်
13/09/2011

တစ်ခုသောညနေခင်းတနင်္ဂနွေ

ထိုနေ့က တနင်္ဂနွေနေ့ဖြစ်သည်။ နေမပူ၊ မိုးမရွာပါ။ ဘာမှလည်း သိပ်မထူးခြားလှပေမဲ့ ထိုနေ့က ကန်ဘေးကခုံတစ်ခုတွင် ထိုင်ခဲ့ပါသည်။  ရေကန်ဘေးခပ်လှမ်းလှမ်းက ခုံငယ်လေးတွင် လူတစ်ကိုယ်စာထိုင်ချလိုက်ပြီးနောက် လေညင်းအေးအေး အောက်တွင် တိမ်တွေကိုတစ်လှည့် တိုက်မြင့်မြင့်ကြီးတွေကိုတစ်လှ
ည့် အပန်းလာဖြေကြသော လူတွေကိုတစ်လှည့် ငေးနေခဲ့သည်။ ငယ်ငယ်က ကိုယ် မကြာခဏ စိတ်ကူးယဉ်ခဲ့ဖူးသည်မှာ ကန်ဘေးတွင် အေးအေးလူလူဖြင့် မကြာခဏထိုင်ရဖို့ဖြစ်သည်။ ကန်လေးတစ်ကန်ဘေးတွင်ဖြစ်ရမည်။ ခပ်ပြေပြေလေညင်းကလေးတိုက်ခတ်နေရမည်။ ပန်းကလေး တစ်ချို့တလေလည်း ပွင့်နေရမည်။ ငှက်သံလေးတွေ မကြားတစ်ချက်ကြားတစ်ချက်ဖြစ်နေရမည်။ စသဖြင့် စိတ်ကူးတွေ ယဉ်ခဲ့ဖူးသည်။ အခုတော့ ကိုယ် ကန်ဘေးတွင်ထိုင်နေသည်။ အပန်းဖြေသူတွေများသောကြောင့် တိတ်ဆိတ်မနေပါ။ ကိုယ့်ဘေးတွင် ကလေးတစ်ယောက် ပြေးလွှားဆော့ကစားနေခဲ့ပြီး ကန်ရှေ့တွင် မိသားစုတွေ ဓာတ်ပုံရိုက်နေကြသည်။ ကျေးငှက်သံတွေလည်းမကြားရပါ။ လူလည်းရှင်းမနေပါ.။ သို့သော် ကိုယ်က ရေကန်ဘေးခပ်လှမ်းလှမ်းက ခုံတန်းရှည်လေးတွင် ထိုင်နေပါသည်။  ရေကန်အကျယ်ကြီးကိုဖြတ်တိုက်လာသော လေသည် ကိုယ့် စိတ်ထဲက အပူတွေကိုပါ သယ်ဆောင် ဖြတ်ပြေးသွားသလိုပင်။ ဘာရယ်မဟုတ်ဘဲ ကိုယ်က ကန်ပြင်ကို ငေးကြည့်နေရသည်ကို ကြိုက်နေမိသည်။ ထိုစဉ်ခဏက.. စိတ်ထဲတွင် ကြည်လင်လို့နေသည်။  ထိုစဉ်ခဏက.. ပတ်ဝန်းကျင်သည် သိပ်ကိုလှနေသည်။ ထိုစဉ်ခဏတုန်းက.. ကန်ရေပြင်၊ တိုက်ခတ်လာသော လေတို့နှင့်အတူ ရွေ့လျားသွားသော လှိုင်းကြက်ခွပ်လေးတွေကိုကြည့်ရင်း ဖြင့်  သူနှင့်ကိုယ်  စကားတွေအများကြီးပြောဖြစ်ခဲ့ပါသည်။

တကယ်တော့ လူတစ်ယောက်ကို အတွင်းကျကျ ကိုယ့်စိတ်ခံစားမှုတွေ ပြောဖြစ်ဖို့ဆိုတာ ခံစားချက်တွေစီးကူးမိကြဖို့လိုသည်။ ကိုယ့်ခံစားချက်ကို ရင်ဘတ်နဲ့ နှလုံးသားနဲ့နားထောင်ပေးနေတာပါလားဆိုတဲ့ စိတ်ခံစားချက်တစ်ခုလိုသည်။ ကိုယ်သည် သူ့ဆီက ထိုကဲ့သို့သော ခံစားချက်အလုံးစုံကို ဒီကန်လေးဘေးက ထိုင်ခုံလေးတွင်ထိုင်ရင်း သူ့ဆီက ရနေခဲ့သည်ဟု ယုံကြည်ပါသည်။

                                                 +++++++++

"  ဘာတွေတွေးနေတာလဲ.." ဆိုသော ဖျတ်ခနဲအမေးမှာ သူ့ကိုလှမ်းကြည့်မိတော့ ကိုယ့်ကိုပြုံးကြည့်နေတွေ့ရသည်။  ကိုယ်က အမှတ်တမဲ့ပဲ ခေါင်းခါလိုက်မိပြန်သည်။ အမှန်က ဒီနေရာလေးမှာထိုင်မိတိုင်း ကိုယ့်အတွေးတွေများမိမြဲဖြစ်သည်။ စကားနည်းလွန်းလှသော ကိုယ့်အတွက် ကိုယ့်ကိုတစ်ချက်တစ်ချက်ငေးငေးကြည့်သော သူ့မျက်ဝန်းများထံတွင်စကားများစွာပြောချင်လာသည်။

" အမှန်တော့  ဒီနေရာလေးကိုရောက်တိုင်း အများကြီးတွေးဖြစ်တယ်.. "
ကိုယ့်ရဲ့ ခပ်တိုးတိုးစကားကို သူက  ကန်ရေပြင်ကိုငေးရင်း တိတ်ဆိတ်လေးနက်စွာ နားထောင်နေသည်။
" ခိုင်လေ ဒီကိုရောက်မှ ကံဆိုတာကို ပိုယုံလာတယ်..။ မမြင်ရတဲ့ကံတွေရဲ့အကြောင်း.."

သူက မျက်လုံးတစ်ချက်ဝင့်ကြည့်သည်.။

" ဟုတ်တယ်..ကံကြမ္မာ... သေးသေးတင်ကံ ဆိုပေမဲ့ ဘ၀တွေပေါ်မှာ အကြီးကြီး လွှမ်းမိုးနေတဲ့ကံတရားတွေ.."

ကိုယ်က မပြုံးဘဲ ပြောမိပေမဲ့ သူက ပြုံးသည်။ သူ့အပြုံးရဲ့ အအေးဓာတ်တချို့က ကိုယ့်ရင်ကိုလာထိနေသည်။ သူ့မျက်မှန်ပေါ်တွင် ရေကန်၏ အရိပ်တချို့ ထင်ဟပ်လျက်ရှိနေပြန်သည်..။ ကိုယ်က တိုးတိုးလေးပြောမိသည်။

" ကံတရားရဲ့ အလှည့်တစ်ခုမှာ အခြေအနေတွေ ဖျတ်ခနဲပြောင်းသွားတာမျိုးတွေတွေအများကြီးပဲ..လူကိုယ်တိုင်သိပ်မရွေ့ရဘဲ ကံကရွှေ့ပေးလို့ အများကြီးရွေ့သွားတဲ့လူတွေ၊ နောက်ပြီးတော့ ကိုယ်ကပြေးနေပေမဲ့ ကံကြောင့်နှေးနေတဲ့လူတွေ..."

သူငေးနေပါသည်။ တွေးနေသည်ထင်သည်။ ကိုယ်သည် တိုက်ခတ်လာသော လေပြည်ကြောတွင်စီးမျောရင်း ခေါင်းကိုမော့ကာ အဝေးကိုငေးမိပါသည်။ ကိုယ့်ဆံပင်ပျော့ပျော့တွေ လေအဝှေ့တွင် ၀ဲနေလိမ့်မည် ထင်ပါသည်။ ကန်ပြင်တွင် လေတိုက်တိုင်းလှိုင်းကလေးတွေခပ်စိပ်စိပ်ပြေးနေသည်။ ကမ်းတစ်ဖက်တွင် တိုက်အမြင့်ကြီးတွေကိုမြင်နေရသည်။ ကိုယ် ဒီနေရာတွင်ခဏခဏလာထိုင်မိသော်လည်း ထိုတိုက်အမြင့်ကြီးတွေဟာဘာတွေမှန်းသတိမထားမိခဲ့ပါ။ ကိုယ်မှတ်မိသလောက်တော့ ဘဏ်တစ်ခု ရှိသည်။ ဟိုတယ်တစ်ခုရှိသည်။ လူများစွာက နောက်ခံထားပြီးဓာတ်ပုံရိုက်လေ့ရှိသောရေပန်းထွက်နေသော ခြင်္သေ့ခေါင်းရုပ်တစ်ခုရှိသည်။ ကာစီနိုတစ်ခုလှမ်းတွေ့နေရသည်။ ကျန်တာဘာတွေလည်းမသိတော့။ စိတ်လည်းမ၀င်စားချင်။ စိတ်မွန်းကျပ်မှုထွက်ပေါက်အတွက်သာဖြစ်၍ ကန်ရေပြင်မှလွဲပြီး တခြားကိုသိပ်မကြည့်မိတာဖြစ်မည်။  ဒါမှမဟုတ်လည်း ကိုယ်သည် မွန်းကျပ်နေမိသောစိတ်ကို ကန်ရေပြင်ထဲ မျှောထည့်လိုက်ရုံသက်သက် ကန်ရေပြင်ကိုကြည့်လို၍လည်းဖြစ်မည်။ ကိုယ့်အတွေးစိတ်သည် ကြာပန်းတစ်ချို့ပေါက်နေသော ငယ်ငယ်က မြင်ခဲ့ဖူးသည့် ရေကန်ကျယ်တစ်ခုဆီသို့ရောက်သွားသည်။ သူက..

" အင်း..ဟုတ်တာပေါ့ ခိုင်ရဲ့..တကယ်တော့ကိုယ်တို့က မမြင်ရတဲ့ကံတွေရဲ့ ထိန်းချုပ်မှုအောက်မှာ ရှင်သန်နေရတာ..ကိုယ်ဆိုရင်လေ ခုနောက်ပိုင်း ဘာကိုမှတရားသေ ဖက်တွယ်ဆုပ်ကိုင်မထားချင်တော့ဘူး..ဖြစ်ချင်တာတွေလုပ်နေပေမဲ့ ဖြစ်ချင်မှဖြစ်လာတာလေ..တစ်ခါတလေ တော့ စိတ်ကိုပေါ့ပေါ့ပါးပါးလေးပဲထားမိတော့တယ်"

သူ့စကားသံက တိုးတိတ်ညင်သာသည်။ လေအဝှေ့တွင် သူ့စကားလုံးများသည် ကိုယ့်နားထဲသို့ ဖြေးဖြေးညင်သာစွာ ၀င်လာကြသည်။ သူ့မျက်ဝန်းတွေက နူးညံ့ညင်သာစွာဖြင့် ကန်ရေပြင်ကိုငေးနေသည်။ သူ့စိတ်သည်လည်း အခုအချိန်တွင် ပေါ့ပေါ့ပါးပါးဖြစ်နေလိမ့်မည် ထင်ပါသည်။  ပေါ့ပေါ့နေခြင်းနှင့် ပျော်ပျော်နေခြင်းဆိုသည့် စကားလုံးကွာခြားချက်ဆီကို စိတ်က ရောက်သွားမိပြန်သည်။ သူပြောတာ ပေါ့ပေါ့တန်တန် ဆိုသည့်သဘောမဟုတ်လောက်၊ ပေါ့ပေါ့ပါးပါးဟု ပြောခြင်းဖြစ်မည်။ သူပြောချင်တာကို ကိုယ်သေချာနားလည်နေပါသည်။

                                                                           +++++++


ငယ်ငယ်တုန်းက အိမ်နှင့်အနည်းငယ်လှမ်းသည့် ကျောင်းကိုလမ်းလျှောက်သွားသည့်အခါတိုင်း လမ်းမှာလက်ဆည်ကန်တစ်ခုဘေးက ဖြတ်သွားရလေ့ရှိသည်။ မိုးတွင်းဆိုရင် ကိုယ့်ဂါဝန်လေးကိုမ,ကာ မ, ကာနှင့် ရွှံ့ဗွက်တွေကိုကျော်သွားရတိုင်းလည်း ရေကန်ကို မငေးဘဲမနေနိုင်ပြန်။ ရေကန်ထဲမှာ ကြာတွေ ပွင့်တတ်သည်။ ထိုစဉ်အချိန်တုန်းကတော့ ရေမြင့်လေ ကြာတင့်လေ ဆိုတဲ့စကားကို ကိုယ် သိပ်နားမလည်တတ်ခဲ့သေးပါ။ ကံဆိုတာ က ရေအမြင့်နဲ့တူပြီး ကြာဆိုတာက အောင်မြင်မှုနဲ့တူမည် လို့ ခုတော့ တွေးနေတတ်ခဲ့ပြီ။

" ငယ်ငယ်တုန်းက ခိုင့်ကို ဆရာတစ်ယောက်က ပြောဖူးတယ် သိလား..။ လူတွေဟာ တစ်နည်းနည်းနဲ့ ကံကြမ္မာအရ သတ်မှတ်ပြဌာန်းခံထားရပြီးသားလူတွေတဲ့.။ အဲဒီတုန်းကတော့ အပြင်းအထန်ငြင်းမိခဲ့တယ်ထင်တယ်.. အခုတော့ တစ်ချို့နေရာတွေမှာ ကိုယ်တိုင်ကြုံထားတော့လည်း အဲဒါဟာငြင်းလို့ကိုမရတော့တဲ့အကြောင်းအရာဖြစ်နေပြီလေ.."

သူ ကိုယ့်ကို နွေးထွေးစွာ တစ်ချက်ကြည့်သည်။ ထို့နောက်သူ ပြုံးလိုက်ပြန်သည်။ ဘာရယ်မဟုတ်ပါဘဲ သူရောကိုယ်ပါတစ်ခဏလောက် ငြိမ်သက်သွားသည်။ ကိုယ့်ဘေးက ကလေးငယ်သည် ဓာတ်ပုံရိုက်ရန် ပို့စ်အမျိုးမျိုးပေးလျက်ရှိသည်။ ကလေးငယ်သည် အပြစ်အကင်စင်ဆုံးပြုံးလျက် ဓာတ်ပုံရိုက်ပေးနေသော သူ့အဖေကို ကြည့်နေသည်။ ကလေးငယ်၏အပြစ်ကင်းလှသော အပြုံးငယ်လေးကို ကိုယ်ခဏငေးကြည့်မိနေသည်။ ကိုယ့်တွင်လည်း တစ်ချိန်တုန်းက ဘယ်အချိန်ဘာဖြစ်မည်ဟု မသိတတ်သော ပူပန်ကင်းမှုမျိုးဖြင့်ပျော်ရွှင်ခြင်းတို့ ရှိခဲ့ပါလိမ့်မည်။

" ခိုင်လေ.. ငယ်ငယ်က ခဏခဏတွေးခဲ့ဖူးတယ်.. လုပ်သလောက်မဖြစ်တတ်လွန်းတဲ့ကံကို အားမလိုအားမရနဲ့ပေ့ါ.။ ဒါပေမဲ့ အချိန်ကာလဆိုတာမျိုးကလည်း စိတ်ခံစားချက်တွေကို ပါးလျားသွားစေလိုက်တာနော်.။ အခုဆိုရင် ကိုယ်ရသလောက်ကြိုးစားပြီး ကံပေးသလောက်အတိုင်းအတာ ဘောင်လေးထဲကနေပြီး အကောင်းဆုံးလို့ယူဆတဲ့အရာတွေကို ရွေးချယ်လုပ်ကိုင်ရင်းနဲ့ ပျော်အောင်နေတတ်နေပြီ.. ထိုင်နေတာမှမဟုတ်တာ.. ကိုယ့်ရဲ့ပေးသလောက်ကံထဲကနေ သွားတော့ သွားနေရတာပဲ..ငယ်ငယ်ကဆိုရင် ဒီလိုဘယ်ဟုတ်လိမ့်မလဲ..ဒါကိုဘ၀လို့များခေါ်ရမလားပဲနော်"

" အင်း..ဒါပေမဲ့ ခိုင်ရဲ့.. ကိုယ်တို့တွေ ထိုင်မနေဖို့ပဲလိုတယ်လေ..။ ဖြစ်လာတဲ့အခြေအနေကို အကောင်းမြင်ပြီး အတည့်အတိုင်းမြင်ပြီး လုပ်သင့်တာလေးတွေကို လုပ်ရင်းနေကြရမှာ. ဒါဟာထိုင်နေတာမဟုတ်ရင်ပြီးတာပဲ.။ ကံကြမ္မာအရ သတ်မှတ်ပြဌာန်းခံထားရပြီးသားဆိုပေမဲ့လည်း ရသမျှအနေအထားထဲကနေ ဖြစ်ပေါ်လာမယ့် အခွင့်အခါတစ်ရပ်အတွက်တော့ ကိုယ်ရနိုင်သလောက်လေးလုပ်နေရမှာပေါ့.. ဒါမှန်တာပေါ့..။  ဒီလိုစိတ်ထားလေးနဲ့အေးအေးချမ်းချမ်းလေးနေသွားကြရမှာ.."


အေးချမ်းမှု ဆိုတာ ပစ္စုပ္ပန်တည့်တည့်တွင်နေထိုင်ခြင်းဟု တစ်ခါတလေ ကိုယ်တွေးမိသည်။ မျှော်လင့်ခြင်းသည် လေးလံသော ၀န်ထုပ်ဝန်ပိုးဖြစ်လာသောအခါ ကိုယ့်ကို မျှော်လင့်ခြင်း၏ပူလောင်ခြင်းများက အနာဂတ်ကနေ ပစ္စုပ္ပန်အထိ ပူလောင်တတ်လာသည်။ အမှန်တကယ်ဆိုလျှင် လက်တွေ့အနေအထားတစ်ရပ်ကို ကျေကျေနပ်နပ်လက်ခံပစ်လိုက်ရခြင်းဆိုသည်မှာ ထင်သလောက်မလွယ်ကူလှပါ။ မျှော်လင့်ခြင်းတစ်ချို့၏ ပူလောင်ပြင်းပျမှုများက ကိုယ့်ကို လောင်ကျွမ်းစေခဲ့ပြီးသည့်နောက်တွင် ကိုယ်သည် မျှော်လင့်ခြင်းသက်သက်ကို မချဉ်းကပ်ချင်ခဲ့တော့ပါ။ တကယ်တော့ တချို့မျှော်လင့်ချက်တွေဟာ ကိုယ့်အတွက် ထပ်ခါထပ်ခါ ပွန်းပဲ့မှုတွေပဲဖြစ်ပြီး ကိုယ့်အတွက် စိတ်အမာရွတ်တွေပဲများလာသည်။ ခုတော့ ကိုယ်က မျှော်လင့်ချက်နဲ့ ပူးတုံခွာတုံ လုပ်နေတတ်ပြီ။ လိမ္မာလာပြီလို့ပဲ ဆိုပါစို့။

သူက ထပ်ပြောသည်...

" ခိုင်ရယ်..ကိုယ်တို့တွေဟာ မျှော်လင့်ခြင်းရဲ့ကျေးကျွန်တွေတော့ မဖြစ်သင့်ကြဘူးလေ.. မျှော်လင့်ခြင်းဆိုတာကို မျှော်လင့်ခြင်းသက်သက် ဖြစ်လာတဲ့အခါ လူကို သိပ်ပူလောင်စေတယ်. အဲဒါ သိပ်အရေးကြီးတယ်..သိလား ခိုင်ရဲ့..ဒါပေမဲ့လည်း ရောင့်ရဲခြင်းဆိုတာဟာ နဲ့ အပျင်းထူတာမဟုတ်ဘူး ခိုင်ရဲ့ ...ခိုင် လည်း အပျင်းထူမနေနဲ့ဦး...မျှော်လင့်ခြင်းဆီ ရောက်ဖို့ သွားတော့သွားနေရမှာပဲလေ. "

သူက ခပ်သဲ့သဲ့ ရယ်သည်။ ကိုယ်က အတွေးချင်းတူနေမှုအပေါ် အံ့အားသင့်ပြီး သူ့ကို ကြည့်မိတော့ သူက ကန်ရေပြင်ကိုငေးကြည့်ပြီး ပြုံးရယ်နေပြန်သည်။ သူ့ကိုကြည့်ရသည်မှာ သိပ်ကို ငြိမ်းချမ်းနေသော လူတစ်ယောက်လိုပါပဲ။ တိမ်တွေကို အမှတ်အမဲ့ငေးကြည့်နေသော ကြောင့် သူ့မျက်မှန်ပေါ်တွင်တိမ်ရိပ်တချို့ ဖြတ်ပြေးနေကြသည်။ သူ့နှုတ်ခမ်းတွေက ပြုံးလျက်ရှိပြီး..သူ့မျက်လုံးတွေကပါ အေးချမ်းနေကြသည်။ သူက ရုတ်တရက်ကိုယ့်ကို လှည့်ကြည့်တော့ ကိုယ်က အကြည့်ကိုအမြန်လွှဲပစ်ရပြန်သည်။ သို့သော် သူ့မျက်မှန်ပေါ်မှ တိမ်စတိမ်မျှင်တို့သည် ကိုယ့် နှလုံးသားထဲ ၀င်ရောက်သွားခဲ့ပြီ ဖြစ်သည်။ ဖြူလွနေသော တိမ်များ .သည် ဘယ်လောက်ကြာကြာ ကိုယ့်ရင်ထဲတွင် ငြိတွယ်နေကြမည်လဲ မသိ။ သူက ကိုယ့်ကို အပျင်းထူမနေနဲ့ လို့ပြောတော့ နည်းနည်းလေးတော့ ကိုယ် ပြုံးစိစိဖြစ်မိသည်။ ငယ်ငယ်ကဆို ကိုယ့်ကို ဆရာတစ်ယောက်က ပြောခဲ့ဖူးသည်။ ' ခိုင်ရဲ့.. ညည်းက half runner ...half sleeper '..တဲ့။ ထိုစဉ်တုန်းက ထိုဆရာကို နည်းနည်းတော့စိတ်တိုမိသည်။ ဘယ့်နှယ်.. ကိုယ့်တပည့်အရင်းကြီးကို အပျင်းထူ အအိပ်ပုပ်လို့ ပြောခဲ့တာကိုး။ ခုတော့ ထိုဆရာလည်း သူဖြစ်ချင်သော သူ့အိပ်မက်ကို ဟိုနားနည်းနည်းလေး ပြင်လိုက်၊ ဒီနားနည်းနည်းလေးပြင်လိုက်ဖြင့် ဆက်လက်ရေးဆွဲနေလေပြီ ။ ဒါဆို ကိုယ်ကရော...။


                                                                    +++++++


တစ်ခါတစ်ခါတော့လည်း ကိုယ်လုပ်ချင်သည့်အနေအထားတစ်ရပ်ကို လုပ်ဖို့အခွင့်အရေးမပေးတိုင်း ထိုင်နေခဲ့တာမဟုတ်မှန်းတော့ ကိုယ်သိပါသည်။ တစ်ချို့ကိစ္စများ တစ်ချို့နေရာများမှာ ကိုယ်ပြေးချင်တိုင်းပြေး၍မရမှန်းလည်းကိုယ်သိပါသည်။ အခက်အခဲတွေရင်ဆိုင်ရသောနေ့များတွင် ကိုယ်သည် ထိုနေ့ကိုအမြန်ဆုံးဖြစ်သည့်နည်းနှင့်အဆုံးသတ်ပစ်ချင်မိသည်။ ယခုတော့ ကိုယ်နည်းနည်းအရေထူသွားပြီလားမသိ။ ကိုယ်လုပ်ချင်သည့်မနိုင်ရင်ကာကိစ္စတစ်ချို့ကို စိတ်အေးလက်အေးမျက်နှာလွှဲနိုင်နေပြီ။ တစ်ခါတလေ အခွင့်အရေးလေးရလျှင် လုပ်ဖြစ်မည်။ မလုပ်ဖြစ်ချင်လည်းမလုပ်ဖြစ်ဘူးပေါ့။ ကိုယ့်ကိုယ်ကို သံသယ၀င်ချင်မိသည်။ ဒါသည်ပင် ကိုယ့်ရဲ့ ၀ီရိယမရှိခြင်းလား။ ကာလတစ်ခုကတိုက်စား၍သွားသော စိတ်ဓာတ်လား။  တကယ်တမ်းက အမှန်တရားတစ်ခုမဟုတ်တောင် ကိုယ့်ဆေးနည်းနဲ့ကိုယ်တော့ ဟုတ်နေကြောင်း ကိုယ်သိပါသည်။ တချို့တွေ ခရီးပိုရောက်ခြင်းမှာ စမှတ် တချို့ နှင့်ဆိုင်မည် ဆိုလျှင် ကိုယ်တို့သည် ရောက်ရှိနေသည့် နေရာတစ်ခုတည်းကို မတွက်သင့်။ တချို့တွေက ဘ၀ကို သုညကစရသည်ဟုပြောလျှင် တချို့ဘ၀တွေက အနုတ်လက္ခဏာ ကစခဲ့ရသည်။ တချို့က အပေါင်းလက္ခဏာ တချို့..တချို့တွေက...။ တကယ်ဆို ဘ၀ဆိုတာ ပန်းတိုင်ရယ်လို့မှ မရှိတာပဲ။ အောင်မြင်မှုကိုဘယ်လိုပေတံနှင့်တိုင်းမလဲ။ ကိုယ့်အတွေးထဲမှာ ဆင်ခြေတွေပြည့်နေအောင်တွေးမိတော့ ခပ်ရှက်ရှက်နဲ့ အသံထွက်အောင် ရယ်မိသည်။ သူကလည်း ပြုံးပြန်သည်။ သူ့အပြုံးမှ အနွေးဓာတ်လေးတစ်ခုသည် ကိုယ့် နှလုံးသားဆီထိသို့ ဖြတ်ပြီး စီးဆင်းသွားကြောင်း သိလိုက်ရသည်။ ဘာရယ်မဟုတ်ဘဲ ထွေရာလေးပါးစကားအနည်းအကျဉ်းကို ညနေခင်းတစ်ခုဆီမှာ သူနှင့်ကိုယ် လှလှပပ ဖြန့်ခင်းဖြစ်ခဲ့ကြသည်။  တကယ်ဆို ကန်လေးတစ်ခုရဲ့ဘေးမှာထိုင်ရင်း ကံအကြောင်း၊ မျှော်လင့်ခြင်းအကြောင်း စသဖြင့် ရောက်တတ်ရာရာပြောဖြစ်ခဲ့သော သူနှင့်ကိုယ်တို့နှစ်ယောက်မှာ တစ်ချိန်တွင် ဘာဖြစ်မယ်မှန်းမသိတတ်နိုင်သေးခင် ခုချိန်ခါမှာတော့ သေသေချာချာကို ကြည်နူးနေကြပါသည်။ ဆည်းဆာရောင်လက်လာပြီဖြစ်သော တိမ်တို့၏အရိပ်ထင်ဟပ်လျက်ရှိသော ကန်ဘေးတွင် အေးအေးလူလူထိုင်ရင်း တနင်္ဂနွေနေ့သည် ရှည်လျားလာပြီ။ တစ်စစတို၍သွားသော  ကိုယ်တို့၏ အားလပ်ချိန် ခဏတာအချိန်ငယ်လေးကို မကြာမီအချိန်အတွင်း ဤညနေခင်းတနင်္ဂနွေလေးတွင် နှစ်ယောက်သားခေါက်သိမ်းရပေလိမ့်ဦးမည်။ ကံ၏အကြောင်းများကို ဤကန်လေးဘေးတွင် ပြောပြီးသည့်နောက် ကိုယ်တို့တွေသည် မရေရာလှသော နေ့ရက်များစွာကို ရင်ဆိုင်ရန် ဘာတွေကိုယုံကြည်နေရဦးမည်လဲပင်မသိ  ။ ကိုယ့်ရဲ့အတွေးတွေကိုလည်း နောင်ဘယ်အချိန်ပြန်ရယ်မောပစ်မိမည်လဲ မသိ ။ ကိုယ့်ရဲ့ မျှော်လင့်ခြင်းတစ်ချို့တွေဆီကို ကိုယ်ကိုယ်တိုင် ဘယ်အချိန် ဘယ်လို ရောက်မည်လည်းမသိ။


စိမ်းမြလင်းသစ်

(20/09/2011)

ပျောက်ရှသွားတဲ့နေ့တွေ

အစကတော့ ဖုန်းမှ နှိုးစက်သံကို ခပ်တိုးတိုးကြားရသည် ထင်သည်။ တဖြည်းဖြည်း ကျယ်လောင်လာမှ ဘာတွေမှန်းမသိသော အိပ်မက်မှ အနည်းငယ်နိုးသွားသည်။ အကျင့်ပါနေသည့်လက်က အလိုအလျောက် ဖုန်းကို လှမ်းယူပြီး နှိုးစက်ကို လှမ်းပိတ်လိုက်သည်။ အခန်းဖော်က အလုပ်သွားရန်အသင့်ဖြစ်နေပြီ။ မနက်ခင်းတစ်ခုရောက်လာပြန်ပြီ။ ခဏနေရင် ရေချိုးရမည်။ ရေမချိုးခင် အရင်နိုးအောင် ကော်ဖီဖျော်ရဦးမည်။ ကိုယ့်အတွက်တော့ ကော်ဖီဟာ ဒုတိယနှိုးစက် ။ ကော်ဖီကိုအရသာခံမသောက်ဖြစ်သည်မှာ ကြာပြီ။ ကော်ဖီမော့ကိုမော့ပစ်ရမည်။ ကော်ဖီသောက်သည်ဟု မဆိုလိုပါ။  အလုပ်ခွင်ထဲရောက်အောင် ပေကပ်ကပ်နိုင်လှသော ကိုယ်ကောင်ကြီးကို ကော်ဖီဆိုသော နှင်တံနှင့် မောင်းရဦးမည်။ မနက်ခင်းသည် အပေါ်စီးကနေပြီး ခပ်စောင်းစောင်း ကြည့်နေသည်ထင်ပါသည်။ တစ်ခါတရံ မနက်ခင်းတိုင်းကို အမြင်မကြည်လှပါ။ ရေမိုးချိုးပြီးသွားပြီ။ ထုံးစံအတိုင်း ရေမွှေးဆွတ်လိုက်သည်။ ရေမွှေး၏အမည်က True Love ။ အစ်မကတော့ ငါ နင့်ရေမွှေးအနံ့ကိုမကြိုက်ဘူး.. ပူတယ် လို့ ပြောဖူးသည်။ နာမည်ကြောင့်ပူတာဖြစ်မည်လို့ ဂျစ်ကပ်ကပ် တွေးမိသည်။ အနံ့ကပူလို့ ဒီနာမည် ပေးတာလည်းဖြစ်နိုင်သည်။ ဘာမဆိုင်ညာမဆိုင်တွေးရင်း အခန်းတံခါးကို ဆွဲဖွင့်ကာ ထွက်လာခဲ့သည်။ အခန်းဖော်က သွားနှင့်ပြီ။ အခန်းသည် နွမ်းနယ်စွာ ကျန်နေခဲ့ပါလိမ့်ဦးမည်။ ကိုယ်ကလည်း ခြေထောက်ကို တရွတ်မတိုက်ရုံတမယ် ထွက်လာခဲ့ပါသည်။

စိတ်ကို MRT ထဲ ထည့်လွှတ်လိုက်ပါသည်။ လမ်းမတစ်လျှောက် လူတွေ ခပ်သုတ်သုတ်သွားနေကြသည်။ ဘာတွေအလျင်စလိုဖြစ်နေမှန်းမသိကြ။ MRT ကြီး ၀ုန်းခနဲ ပျောက်သွားတော့မဲ့အတိုင်း။ ကသုတ်ကရတ်နဲ့ လူတွေက တဝေါဝေါပြိုဆင်းလာနေကြသည်။ ဘာပဲပြောပြော သူတို့ကို ကြည့်ပြီးတော့ မလန်းဆန်းနိုင်သေးသော ခေါင်းကို ခါယမ်းပစ်မိရင်း နိးလိုက်ရသည်။ လူတွေကိုကြည့်ရတာ စက်ရုပ်တွေလိုပဲ။ နေ့စဉ် ဒီမြင်ကွင်းတွေပဲ။ သွားသုတ်သုတ်လာသုတ်သုတ် နှင့် မျက်နှာတွေကတော့ သိပ်ကို အရေးကြီးနေကြသော မျက်နှာတွေ။ ကိုယ် ဖြတ်သွားရသောလမ်းတွင် လမ်းဘေးမှာ သပြေပင်လေးတွေကို လူတစ်ယောက်၏ ခါးသာသာလောက်လေးတွေဖြတ်ပြီး စီတန်းပြီး စိုက်ထားသည်။ အရွက်လေးတွေက နီရဲပြီးသိပ်လှသည်။ နီနီရဲရဲအညွန့်လေးတွေကို မြင်ရင် မတို့ထိဘဲမနေနိုင်ပြန်။ ထိုအရွက်လေးတွေ စိမ်းကာစပြုလာရင် လာညှပ်သွားကြပြန်သည်။ ကိုယ်ကတော့ ဤအိမ်နားကို ရောက်ကာစက ဒီလမ်းကို လျှောက်တိုင်း ဘာမဆိုင်ညာမဆိုင် သပြေပင်လေးတွေကိုယ်စား စိတ်နာမိသည်။ ဘယ်နှယ့်...နုမယ်မှမကြံသေး.လှလို့မှမ၀သေး...လာလာပြီးညှပ်ကြသည်။ ကိုယ်ချင်းမှ မစာမနာ။  အမှန်ကတော့ လောကကြီးက သူ့ဟာသူနေတာဖြစ်ပြီး..ကိုယ်ကသာ မနေနိုင်မထိုင်နိုင် တွေးကြည့်မိနေခြင်းဖြစ်ပါလိမ့်မည်။

သူဌေးဆိုသည်မှာ အစဉ်သဖြင့် မျက်နှာပုပ်ထားတတ်ကာ လိုအပ်လျှင်ရော မလိုအပ်လျှင်ပါ အော်တတ် ပြီး တစ်ရုံးလုံး၏ အမုန်းကိုခံရသူဖြစ်ကြောင်းသိပါပြီ။ လုပ်ဖော်ကိုင်ဖက် ဆိုသည်မှာ မျက်နှာ ပုပ်သိုးသိုးနှင့် စကားများများမပြောတတ်ကြောင်းလည်း ခုတော့ဖြင့် သိပါပြီ။ သူတို့သည် ရံဖန်ရံခါ ကိုယ်နှင့်မဆိုင်ဘဲ ဆရာကြီးလုပ်ချင်လုပ်မည်။ ကိုယ်နားမလည်သောစကားဖြင့်လည်း ကိုယ့်အကြောင်းများပြောချင်ပြောမည်။ တူညီသောအချက်တစ်ခုကိုပြပါဆိုလျှင် သူတို့လည်း သူဌေးကိုမကြိုက်ခြင်းဖြစ်ပါလိမ့်မည်။ ကိုယ်မသိဘဲ ဆရာကြီးလုပ်ခြင်းဆိုသည်မှာ လုပ်ဖော်ကိုင်ဖက် တစ်ယောက်၏ ကျင့်ဝတ်ဖြစ်ကြောင်းသိလိုက်ရပါပြီ.။ တကယ်ဆိုရင် လောကကြီးကို အကောင်းမြင်စရာမလိုပါ။ အတည့်အတိုင်းမြင်ကြည့်ရန်သာလိုပါသည်။ ထိုသို့ အတည့်အတိုင်းမြင်ကြည့်ရန်ကြိုး
စားလိုက်သောအခါ လောကကြီးသည် တစောင်းကြီးဖြစ်သွားသည်။ အကောင်းမြင်ရန် ပြန်၍ကြိုးစားလိုက်သောအခါတွင်
လောကကြီးသည် အတည့်ပြန်ဖြစ်သွားပြီး ကိုယ်ကိုယ်တိုင်ကမူ စောင်းငန်းကြီးဖြစ်သွားလေတော့သည်။

တစ်နေ့တာဆိုသော စကားလုံးသည် စကားလုံးအနည်းငယ်မျှသာ ဖြစ်ပါသည်။ သို့သော် အချိန်ကာလသည် တစ်နေ့စာကြာမြင့်ပြီး  ဖြစ်ရပ်များသည် မနေ့ကနှင့်တော့ ခပ်ဆင်ဆင်တူပါသည်။ ယခုတော့ ပျင်းရိငြီးငွေ့ဖွယ်ကောင်းသော ရုံးအလုပ်များကို မလုပ်ချင်လုပ်ချင် လုပ်နေရဦးမည်။ တစ်ပတ်တစ်ပတ်ဟာ ငြီးငွေစရာဟု သူငယ်ချင်းတစ်ယောက်ကိုပြောမိတော့ သူက တစ်ပတ်တစ်ပတ်ဟာ အချိန်ခဏလေးပဲ ဟုပြန်ပြောဖူးသည်။ ကိုယ့်အတွက်တော့ အသားမကျတတ်သေးသမျှ အချိန်တွေက နှေးကွေးနေဆဲ။ ပျော်ရာမှာမနေ တော်ရာမှာနေ ဆိုသော စကားလုံးလေးကို သတိရတိုင်း ဖုန်သုတ်မိတတ်တော့ တစ်ခါတစ်ခါ ပျော်ရာမှာ တကယ်မနေရဘူးလား အခုရောတကယ့်ကို တော်ရာမှာနေနေရလို့လားလို့ တကယ့်ကိုပဲ မဝေခွဲမတတ်နိင်ဖြစ်နေမိသေးသည်။ အခုအချိန်အထိတော့ မသေချာခြင်းတစ်ခုသည်ပင် သေချာခြင်းသက်သက်အဖြစ်ရှိနေပါလိမ့်ဦးမည်။

မျှော်လင့်နေသော ညနေ ရောက်လာပြီ။ မနက်ခင်းထက် ညနေခြေလှမ်းတွေက ကိုယ့်အတွက်တော့ ပို၍လှပနေပါသည်။ ရုံးအပြင်ကိုထွက်လာတော့ ညနေခင်းသည် သိပ်ကိုလှပနေပါသည်။ နေရောင်လည်းအေးသွားပြီ။ ညနေအရောင်သည် လဲ့လဲ့ဖြာဖြာဖြင့်။ အပြန်တွင်လည်း လူတွေက စက်ရုပ်တွေအတိုင်း MRT ဆီသို့ ဝေါခနဲပြိုဆင်းလာကြသည်။ သူတို့ကို ကြည့်မိတော့ တကယ့်ကို စက်ရုပ်တွေလိုပဲ။ အရယ်အပြုံးလည်းသိပ်မရှိကြ။ နွမ်းနယ်နေကြသော ခန္ဓာကိုယ်များကို သယ်လာရသောခြေလှမ်းများသည် အရပ်မျက်နှာအသီးသီးကိုပြိုဆင်းသွားကြသည်။ ကိုယ်ကတော့ ယောင်လို့မှ နှုတ်ဆက်စရာလူမရှိတိုင်း အိမ်အပြန် လမ်းဘေးက သပြေပင်လေးတွေကို ကြည့်မိတတ်တုန်းပဲ။ သပြေပင်လေးတွေ သိပ်ကိုလှကြသည်။ အညွန့်လေးတွေက နီရဲနေကြသည်။ နေပူလေ အညွန့်လေးတွေဖြာဝေလာကြလေ။ အညွန့်လေးတွေဖြာဝေလာလေ သိပ်ကိုလှလေ။ လမ်းသွားရင်းနဲ့ အညွန့်လေးတွေကို ကိုယ့်လက်ဖ၀ါးနဲ့ ပွတ်သပ်သွားမိစဉ် သပြေနုနုအညွန့်လေးများ၏နူးညံ့ခြင်းသည် ကိုယ့်လက်ဖ၀ါးဆီကို စီးဆင်းလာကြစမြဲ။ တစ်ခုပဲ. .။ သိပ်မကြာခင် လှလို့မှမ၀သေးခင် သပြေညွန့်လေးတွေကို လာညှပ်ကြလိမ့်ဦးမည်။




စိမ်းမြလင်းသစ်

(23/09/2011)

အလွမ်းဟာမော်နီတာထဲမှာတလွင့်လွင့်

ခုတလော မျက်စိမှိတ်လိုက်ရင်
ရင်ထဲကအစိုင်အခဲတွေပဲ တွေ့နေမိတယ်
မော်နီတာထဲစိတ်ကိုထည့်မျှောလိုက်တော့လည်း
လမ်းတစ်လျှောက်လုံးမှာ ကွန်နက်ရှင်ကမကောင်းဘူး
အသက်ရှူလိုက်တိုင်း
ရင်ထဲမှာတစ်စုံတစ်ခုခံနေတာကခက်တယ်
စကားပြောလိုက်တိုင်း လည်ချောင်းတစ်လျှောက်မှာတစ်ဆို့လို့
ဒါ..ရောဂါပဲ။
ဗွီဇက်အို အရိပ်မှာ
မေမေ့ပုံရိပ်လေး ရပ်တန့်သွားတုန်းခဏ
မျက်ဝန်းတွေမှုန်မှိုင်းနေတာတွေ့လိုက်ရတယ်
အလည်ပြန်လာမယ်ဆိုတဲ့စကားမှာ
မေမေလက်ချိုးရေနေမလား
စကားသံလေးထစ်အအ မှာ
မေမေ့သမီးကို လွမ်းနေမလား
ညည်းကိုအမြင်ကတ်တယ် ဆိုတဲ့ အပြုံးတစ်ဝက်စကားလုံးလေးဟာ
နားထဲမှာ ချိုလိုက်တာ မေမေရယ်
မနီးသေးခင်အထိတော့ ခရီးကဝေးဝေးနေရဦးမှာပဲမဟုတ်လား
ဒီလိုပဲ
ဝေးသွားလိုက်နီးသွားလိုက် ခရီးတွေ..၊.. မိုင်တွေ ။
စိတ်ချင်းဝေးမသွားဖို့ကိုပဲ ကြိုးစားနေရတယ်
တစ်ယောက်တည်းလို့ ခံစားမိတိုင်းမှာ
အလွမ်းတွေကတနင့်တပိုးနဲ့
အရင်ကထမင်းဝိုင်းလေးကို လွမ်းတယ်မေမေ..
ခုအချိန်ခဏမှာတော့
ကျနေတဲ့ကွန်နက်ရှင်ထဲပဲ
လွမ်းနေမိတဲ့စိတ်ကို ထည့်ထည့်မျှောနေမိဆဲ
အချိန်ရဦးမယ်ဆိုရင်တော့
မေမေ့ရင်ခွင်မှာ အရင်လိုလေးခဏလောက် ပြန်အိပ်ချင်ပါသေးရဲ့..။




စိမ်းမြလင်းသစ်
(29/09/2011)

အစိမ်းရောင်ထိုင်ခုံလေး

ထိုင်ခုံလေး က ထိုင်သူကင်းမဲ့လျက်ရှိသည်။ သံဖြင့်ပြုလုပ်ထားသော ထိုင်ခုံတန်းကလေး..။ အစိမ်းရောင်သုတ်ထားသည်။ သူမထိုင်နေသောခုံမှလှမ်းကြည့်လျှင် မျက်စောင်းထိုးအနေအထားတွင်တည်ရှိသည်။ ထိုင်ခုံလေး၏ အနောက်ဘက်တွင် လူတစ်ယောက်၏ ခါးသာသာ တိတိရိရိဖြတ်ထားသော ယုဇနပင်တန်းကလေးတစ်ခုက ကစားကွင်းကို စက်ဝိုင်းပုံသဏ္ဍာန်ပတ်လျက်တည်ရှိနေသည်။ သိပ်မကြာခင်က ရွာထားသောမိုးကြောင့် ထို ထိုင်ခုံကလေး၏ သံတန်းတစ်ချို့ပေါ်တွင် ရေစက်တစ်ချို့တင်လျက်ရှိကြသည်။ ယုဇန ပန်းရနံ့တို့သည် မွှေးပျံ့လျက်..။ မိုးနံ့အေးအေးနှင့်အတူ လေတစ်ချက်ဝှေ့ယမ်းလိုက်တိုင်း ပန်းရနံ့သည် အေးမြမွှေးပျံ့နေကြသည်။ ရောစုံလျှောကလေးတစ်ခုရှိသော ကလေးကစားကွင်းကလေးတစ်ခု၊ ထိုဘေးတွင် ကြက်တောင်ရိုက်ကွင်းကလေးတစ်ခု ..၊ မိုးရွာပြီးကာစ ပတ်ဝန်းကျင်၊ ည ကိုးနာရီကျော်ကျော်.. ခပ်သုတ်သုတ်လမ်းလျှောက်ပြန်လာကြသော လူအနည်းငယ်မှတစ်ပါး ပတ်ဝန်းကျင်သည် တိတ်ဆိတ်နေသည်။ အခုအချိန်အထိ.. ထိုထိုင်ခုံအစိမ်းရောင်လေးတွင် လူမရှိ..။ ခုအချိန်အထိ တိတ်ဆိတ်နေလျှင် ဒီညလည်း ထိုအဘိုးအို..ရောက်မလာတော့ဘူး ထင်ပါသည်။


++++
(၁)
" အခုလိုမျိုး လွတ်ကျသွားတဲ့အရာကို ပြန်ကောက်ယူခွင့်ရတာဟာ ဘ၀မှာ ကံကောင်းခြင်းတစ်မျိုးပဲ ....၊ တချို့အရာတွေက လွတ်ကျသွားပြီးရင် ပြန်ကောက်ယူဖို့ခက်တယ် "

မိုးရိပ်တို့ကြားထဲ လေတစ်ချက်ဝှေ့လိုက်သောကြောင့် လွင့်ဝဲကျသွားသောကြက်တောင်လေးကို ကောက်ယူမည်ပြုလိုက်စဉ် အဘိုးအိုက ထိုင်ခုံအစိမ်းရောင်လေးတွင်ထိုင်နေရာမှ ကောက်ယူပေးပြီး ခပ်တိုးတိုးရေရွတ်လိုက်သည်။ ဆွတ်ဆွတ်ဖြူသောဆံပင်၊ ပိန်ပိန်သွယ်သွယ်ကိုယ်ခန္ဓာနှင့် စူးရှတောက်ပသောအဘိုးအို၏မျက်လုံးများကို သူမဘာသာပြန်ဖို့ကြိုးစားလိုက်စဉ် တစ်လှမ်းချင်း အဘိုးအိုက စတင်ထွက်ခွာသွားပြီဖြစ်သည်။ မိုးစတွေလွင့်ဝဲလာပြီ.။ အဘိုးအိုက ဘာအဓိပ္ပာယ်နှင့်ပြောမှန်းမသိသော်လည်း အဘိုးအို၏ စကားလုံးလှိုင်းတို့သည် ရင်ဘတ်ကိုရိုက်ခတ်ခဲ့ပြီ။ လေသံတိုးတိုးမျှသာဖြစ်သော်လည်း စကားလုံးတို့သည် သူမရင်ကို အရှိန်ပြင်းပြင်း ၀င်တိုးကြသည်။ ခပ်ဝါ၀ါမီးရောင်များက မိုးတွေနဲ့အတူ ရင်ဘတ်ထဲအထိ ရွာနေဆဲ။ သူမဘာတွေလွတ်ကျခဲ့ပြီး ဘာတွေပြန်ကောက်ယူရပါမည်နည်း..။ မိုးတဖွဲဖွဲကြားတွင် အတွေးတွေ တ၀ုန်းဝုန်း ဘောင်ဘင်ခတ်ကျန်နေခဲ့သည်။ သူမ လက်ထဲတွင် အဘိုးအိုကောက်ပေးသွားသော အနားတွေဖွာစုတ်စပြုနေပြီးဖြစ်သည့် ကြက်တောင်ကလေးကို ငေးကြောင်ကြည့်နေမိလျက်သား..။


++++

(၂)

" ဘယ်အရာကိုမှ အပျော်သဘောမထားနဲ့ ကလေးမ..၊ ကစားပွဲတစ်ခုဆိုတာမှာလည်း ဘယ်အရာနဲ့ အနားသတ်မလဲဆိုတာ သတ်မှတ်ချက်ရှိရလိမ့်မယ် .."
လာပြန်ပြီ။ ဒီအဘိုးအို ၊ ဒီအသံ.၊ သူ ..ဘယ်အချိန်က ရောက်နှင့်နေသလဲ။ သူမနောက်နားက ထိုင်ခုံမှာ ထိုင်နေပြီး ပွဲကိုကြည့်နေတာလား။ အဘိုးအိုပြုံးနေသလား၊ မျက်နှာအနေအထားဘယ်လိုရှိနေသလဲ။ အရာရာကို မေ့မေ့ပျောက်ပျောက်သဘောဖြင့် စိတ်ကို ကစားပွဲထဲနှစ်ထားခဲ့ကာမှ..။ စိတ်ထဲမှအငေါ်တူးမိပြီး ချွေးသံတရွှဲရွှဲဖြင့် ကစားပွဲကို ဆက်ကစားနေမိသောကြောင့် သူမ မကြည့်အားသေးပါ။

" ကစားပွဲတစ်ခုဆိုတာ ဒီလိုပဲ ရပ်ပစ်လိုက်ဖို့ခက်တယ်၊ အနိုင်လိုချင်စိတ်နဲ့ ကစားတဲ့ပွဲတွေ အတွက် မင်းရဲ့ စိတ်ဝင်စားမှု၊ အလေးထားမှု အတော်များများကို မသိလိုက်မသိဘာသာ စွန့်လွှတ်နေရတာပဲ.."

အသံတိုးတိုး ..။ အနားကပ်ပြီး ပစ်လွှတ်လိုက်တဲ့ စကားလုံးနဲ့ယက်ထားတဲ့ မြားပဲ။ ရင်ကိုတည့်တည့်စူးဝင်တယ်..။ ကစားပွဲကို ခဏရပ်ပြီး လှည့်အကြည့်လိုက်မှာ အဘိုးအိုက လှည့်ထွက်သွားခဲ့ပြီ။ ခြေလှမ်း၊ အဘိုးအို..၀ါလဲ့လဲ့မီးရောင်၊ အေးစိမ့်နေသောလေတစ်ချက်အဝှေ့...၊ သူငယ်ချင်းရဲ့ ခေါ်သံ.. ။ စိတ်ပြေလက်ပျောက်ဟူသော ခေါင်းစဉ်အောက်တွင် ကစားနေခဲ့သော သူမ ကစားပွဲကို ဘယ်လိုရပ်ပစ်ခဲ့မိသလဲ မသိတော့။

++++

(၃)
" ဘ၀မှာတော့ တစ်ချို့အရာတွေကို အခုလိုမျိုး မင်း သစ်သီးရွေးသလို ရွေးလို့မရဘူး။ ဘ၀ဟာ တစ်လမ်းသွားသဘောဆောင်တယ်။ တစ်ခုကိုရွေးချယ်ပြီးရင် ကျန်တာကိုမရနိုင်တော့ဘူး။ အနည်းဆုံးတော့ သစ်သီးရွေးနေချိန်မှာတောင် အချိန်တစ်ချို့ကို စတေးလိုက်ရသေးတာပဲ။ ဒါပေမဲ့ တစ်ချို့သော ဘ၀ရဲ့ ရွေးချယ်ခြင်းတွေအတွက်တော့ တန်ဖိုးကြီးကြီးစတေးရတတ်တယ်.."

ပိန်ပိန်သွယ်သွယ်၊ အရေတွန့်တွန့်လက်ချောင်းတွေ ..၊ ကျက်မိနေပြီဖြစ်သောအဘိုးအို၏အသံ..။ သစ်သီးရွေးနေသော သူမလက်တွေတွန့်သွားသည်။ ကပျာကယာ မော့ကြည့်မိတော့ အဘိုးအို..။ သူမ၏ဘေးတွင် ရပ်နေသည်။ သစ်သီးလာဝယ်ဟန်တူသည်။ ဒေါသက ထောင်းခနဲ..။ သူများရဲ့ လွတ်လပ်ခွင့်ကို လာရှုပ်လွန်းတယ်..။ ဘာလို့ စကားလာလာပြောနေရသလဲ..။ သူမကို ဒီအဘိုးအို အသေအချာသိနေခဲ့တာလား..။ မေးခွန်းတွေက ဒေါသနှင့်အတူ တဖွားဖွား လွင့်လာနေပြီ..။

"..အဘိုး...ဘာလို့..."

သူမစကားမဆုံးလိုက်ပါ..။

" နုပျိုမှုဟာ အသွေးအသားထဲမှာရှင်သန်နေသေးသ၍ ဘာမဆို ရင်ဆိုင်ပြောင်းလဲပစ်ဖို့ နောက်မကျသေးဘူးလို့ ယူဆထားလို့ရနိုင်သေးတာပဲ.."

"....................."

အဘိုးအိုက နှေးကွေးသောခြေလှမ်းများဖြင့်ထွက်သွားနှင့်ပြီ။ ငွေရှင်းပြီးချိန်တွင် သူမအဘိုးအိုနောက်ပြေးလိုက်သော်လည်း မတွေ့ရတော့။


++++

အတွေးတွေဟာ မှုတ်ထုတ်လိုက်တဲ့ ဆေးလိပ်မီးခိုးငွေ့တွေလိုပဲ..။ မရောရာ မသေချာ၊ အကောင်အထည်လည်းဖော်လို့မရ။ မျက်စိရှေ့တွင် လွင့်ပါးပျောက်ကွယ်သွားတာကို ငေးကြည့်ရင်း ၀မ်းနည်းလာမိသလိုပင်။ အလင်းတွေတစ်စစ ပြိုကွဲသွားစဉ်တွင် သူမတစ်ယောက်တည်း အခန်းအမှောင်ထဲမှာ တစ်ယောက်တည်းဖြစ်ဖြစ်နေခဲ့သည်။ အခန်းဟာ တိတ်ဆိတ်လို့နေသည်။ အားငယ်မိသောခံစားချက်ကို ကုစားပစ်ဖို့ စကားပြောဖော်တစ်ယောက်လောက်လိုနေပြီ။ သူငယ်ချင်းဆီသို့ဖုန်းဆက်ရန် ဖုန်းနံပါတ်ကို တတိယအကြိမ်မြောက်ထပ်မံခေါ်လိုက်စဉ် ..ခေါ်ဆိုမရနိုင်ကြောင်းထပ်မံနားထောင်လိုက်ရသည်။ စိတ်ပြေလက်ပျောက် တစ်ယောက်ယောက်နှင့် စကားပြောချင်လာကြောင်းတွေးလိုက်စဉ်တွင် သူမက ထူးခြားလှသော အဘိုးအိုကို သတိရလိုက်သည်။ ခြံထဲကို လှမ်းကြည့်မိတော့ ထိုင်ခုံလေးက လွတ်လျက်သား..။ မှတ်မှတ်ရရ..၊ သစ်သီးဆိုင်တွင် အဘိုးအိုအားတွေ့လိုက်ရခြင်းသည် နောက်ဆုံးတွေ့လိုက်ရခြင်းဖြစ်ကြောင်း ကြိုသိခဲ့ရပါလျှင် သူမ ၀ယ်လက်စ သစ်သီးများကို ပစ်ချပြီး အဘိုးအိုနောက်အား ပြေးလိုက်မိမည် ထင်ပါသည်။ အကယ်၍သာဆိုသောစကားလုံးသည် တကယ်မဟုတ်ဆိုသောသဘောဆောင်ပြီးပြီဖြစ်ကြောင်းတွေးမိပြီး အခန်းအပြင်ဘက် ထိုင်ခုံအစိမ်းရောင်လေးကို ကြည့်မိပြန်သည်။ ဒီညလည်း ထိုခုံအစိမ်းရောင်လေးဆီသို့ အဘိုးအို ရောက်လာလိမ့်မည်မထင်ပါ..။


စိမ်းမြလင်းသစ်

30/09/2011

သူငယ်ချင်းသိလား...

သူငယ်ချင်းသိလား
ခြောက်သွေ့နေတဲ့သဲဖြူဖြူတွေကို လက်ထဲမှာဆုပ်ပြီး
ဖြည်းဖြည်းချင်းလွှတ်ချလိုက်ရတဲ့အရသာ။
လေတိုက်ရင် တဖွဲဖွဲချင်း..၊ တဖြည်းဖြည်းချင်း...
လွင့်ပါးပျောက်ကွဲသွားလိုက်တာ
ဘ၀ဟာဒီအတိုင်းပဲလို့ အခါခါ တွေးမိတယ်
သူငယ်ချင်းသိလား...
ခုတလော ရေကြည်ရာမြက်နုရာဆိုတဲ့စကားမှာ
ခဏခဏငါ ဖျားနာရတယ်..။
အဆွေးသီချင်းတွေ၊ ဟာသကားတွေ
ရင်ဖွင့်စရာအတွက်
ဂျီတော့ခ်အကောင့်နဲ့ ဖေ့ဘွတ်ခ် အကောင့်တွေ
ခုတလော စိတ်ကူးတွေမှာ
ခြေနဲ့ထိုးဖွချင်တဲ့သဲမှုန်ကမ်းခြေ
တုံဏှိဘာဝေပင်လယ်ကြီး
ဘယ်တော့နီးမလဲမသိတဲ့ စိတ်ကူးတွေနောက်လိုက်ရင်း
စိတ်ကူးထဲကညနေခင်းတစ်ခုထဲမှာ
နင်နဲ့အတူမသိလိုက်မသိဘာသာ
ပင်လယ်ကို ဒူးပေါ်မေးတင်ငေးကြည့်ပစ်မိတယ်။
သူငယ်ချင်းသိလား..။
ငါပြောမိပြန်ရင် နင်ကပြုံးဦးမယ်
နောက်ဆုံးတစ်ခေါက်တွေ့တုန်း
ငါတို့သောက်မယ့်အအေးခွက်ထဲကရေခဲတုန်းတွေပျော်ကုန်တာ
စိတ်ညစ်တာတွေရေမွှေလိုက်လို့ လို့ဆိုရင်..။
သူငယ်ချင်းသိလား
ငါတော့
စိတ်ညစ်တဲ့အခါတိုင်း မျက်စိကိုမှိတ်လိုက်ရင်လေ
အဲ့ဒီတုန်းက မသောက်ဖြစ်ခဲ့တဲ့အအေးခွက်လေးနဲ့ ငါတို့စားပွဲဝိုင်းလေးဟာ
ငါ့စိတ်နဲ့အနီးဆုံးဆီမှာ..။


စိမ်းမြလင်းသစ်
(14/10/2011)

ရိုးတံသက်သက်...ဆောင်း

                                   
ဒီလိုပါပဲ
ပြတင်းကနေငေးကြည့်ရင်
တစ်ခါတလေတော့
လရောင်တွေစိုလက်နေတဲ့ အုန်းပင်အုန်းလက်ကို တွေ့ရမယ်
အလင်းစက်တွေကျဲပက်ထားတဲ့
အခန်းထဲကတစ်ဝက်တစ်ပျက်မြင်ရတဲ့ ကောင်းကင်
ဟင်းလင်းပွင့်နေဆဲ ဆောင်း
စာလုံးပေါင်းအမှားများစွာနဲ့ အေးခဲစိုလက်နေဆဲစာမျက်နှာ
ဒဏ်ရာတွေနဲ့ညည်းနေဖြစ်တဲ့သီချင်း
ညနေခင်းဟာ စိုစိုပြည်ပြည်ဖြစ်နေဆဲပဲ အခိုက်အတံ့
ခံစားချက်တွေကို ဖဲ့ခြွေချလိုက်တိုင်း တစိမ့်စိမ့်ကြွေနေဆဲ စကားလုံးများ
ရိုးတံချည့်သက်သက်ဆောင်းဟာ..
ဝေခဲ့ဖူးတဲ့ တစ်ချိန်ကနှင်းတွေကိုငေးတုန်းပဲ..
မပီဝိုးတ၀ါးဖြစ်ခြင်းစိတ်အလျင်နဲ့
တစ်ပွင့်စီသီထားတဲ့အမှတ်တရတွေထဲကိုမှ အလွမ်းကအလည်လာတယ်
ခွဲခွာခဲ့ပြီဆိုကတည်းက
ကပ်ပါလာတဲ့ အထီးကျန်ခြင်းဆိုတဲ့ အသားတံဆိပ်
အမှတ်တမဲ့ငေးကြည့်မိလိုက်ခြင်းဟာ
နှုတ်သီးဝါ၀ါနဲ့ငှက်ကလေးထိုးဆိတ်နေတဲ့ အစိမ်းရောင်ပန်းသီးဆီ
လူများ၊ ရေစီးကြောင်းများ၊ ရွေ့လျားနေခဲ့သောနှစ်ကာလများ နဲ့အတူ
ဖျတ်ခနဲနေရောင်မှာ ပျောက်မယ့်နှင်းစက်
အလွမ်းချည့်သက်သက်ရင်ဘတ်နဲ့
တောက်ထုတ်လိုက်ရင်ကြွေကျမယ့် စီးကရက်ပြာတစ်စ..ဟာ..။

စိမ်းမြလင်းသစ်

မြက်ဖျားနှင်း

               
လေပဲတိုက်မလား..

နေပဲသာမလား

တထိတ်ထိတ်အတွေးတွေနဲ့မသေချာမှုတွေရဲ့ကြား

ကိုယ့်မှာ..အရူးအမူးပျော်ပိုက်ရတယ်...

မြက်ဖျားကနှင်းစက်တွေလို...။   ။




စိမ်းမြလင်းသစ်
05/11/2011